গুৱাহাটী: ২০২২ চনৰ ২৬ ছেপ্টেম্বৰত আৰম্ভ হোৱা চানফিষ্ট কাপ ফুটবল টুৰ্ণামেণ্ট ২০২২ৰ ৬ষ্ঠ সংস্কৰণত ২৭০০ ৰো অধিক খেলুৱৈয়ে ফুটবলৰ প্ৰতি তেওঁলোকৰ দক্ষতা আৰু আবেগ প্ৰদৰ্শন কৰি সফলতাৰে সমাপ্ত হয়।
প্ৰাক্তন ভাৰতীয় অধিনায়ক বাইচুং ভূটিয়াই চহৰখনৰ ভাৰতীয় ক্ৰীড়া প্ৰাধিকৰণ (এছএআই) ফুটবল গ্ৰাউণ্ডত চূড়ান্ত অনুষ্ঠানটোত অংশগ্ৰহণ কৰে আৰু বিজয়ী মণিপুৰ মাৰ্শ্বেল (অনুৰ্ধ-১৩) আৰু মণিপুৰ মাৰ্শ্বেল (অনুৰ্ধ-১৬) দলক সন্মানীয় চানফিষ্ট কাপ ট্ৰফী প্ৰদান কৰে। লীগটোত ক্লাব/বিদ্যালয়ৰ ২৪৬ টা দলৰ মাজত খেল অনুষ্ঠিত হৈছিল, য’ত যুৱসকলৰ সুন্দৰ প্ৰদৰ্শন আৰু অসাধাৰণ প্ৰচেষ্টা আছিল।অনুৰ্ধ-১৩ ৰ ফাইনেলখন মেঘালয় মাষ্টাৰ্ছ আৰু মণিপুৰ মাৰ্শ্বেলৰ মাজত প্ৰতিদ্বন্দিতা হৈছিল। মেঘালয় মাষ্টাৰ্ছ আৰু মণিপুৰ মাৰ্শ্বেলৰ মাজত অনুৰ্ধ-১৬ ৰ ফাইনেল খন খেলা হৈছিল৷ মণিপুৰ মাৰ্শ্বেল(অনুৰ্ধ ১৩ আৰু অনুৰ্ধ-১৬) চানফিষ্ট কাপৰ ষষ্ঠ সংস্কৰণত বিজয়ী হৈছিল৷ লীগ সন্দৰ্ভত মন্তব্য কৰি আইটিচি লিমিটেডৰ ফুডছ ডিভিজনৰ বিস্কুট এণ্ড কেকক্লাষ্টাৰৰ মুখ্য সঞ্চালন বিষয়া শ্ৰীযুত আলী হেৰিছ শ্বেৰে কয়, “আইটিচিত আমি এক ফুটবল পৰিস্থিতিতন্ত্ৰ সৃষ্টি কৰি গৌৰৱান্বিত যি যুৱ প্ৰতিভাক প্ৰতিপালন কৰে যি ভৱিষ্যতে ভাৰতক নিঃসন্দেহে গৌৰৱান্বিত কৰিব।”
