এছআই পৰীক্ষাৰ প্ৰশ্নকাকত ফাদিল সন্দৰ্ভত আন এজনক আটক অসম আৰক্ষীৰ। মঙলবাৰে পুৱা নগাঁও আৰক্ষীয়ে আটক কৰে সোণমণি কোচ নামৰ এজন যুৱকক। ধৃত যুৱকজনৰ ঘৰ মৰিগাঁও জিলাৰ মিকিৰভেটাত বুলি জানিব পৰা গৈছে।
উপ পৰিদৰ্শক পদৰ লিখিত পৰীক্ষাৰ প্ৰশ্নকাকত ফাদিল সন্দৰ্ভত আটক কৰা যুৱকৰ সংখ্যা তিনিজনলৈ বৃদ্ধি পাইছে। ইয়াৰ পূৰ্বে আৰক্ষীয়ে পিণ্টু গোহাঁই আৰু প্ৰাঞ্জল দেউৰী নামৰ আন দুজন যুৱকক আটক কৰিছিল।
তাৰ পিছতে মঙলবাৰে পুৱা আৰক্ষীয়ে আটক কৰা সোণমণি কোচক নগাঁও সদৰ থানাত সোধাপোছা চলোৱা হয়।
দুই যুৱকৰ স্বীকাৰোক্তিৰ ভিত্তিত মঙলবাৰে পুৱা নগাঁও সদৰ থানাৰ আৰক্ষী বিষয়া মনোজ ৰাজবংশীয়ে মৰিকলঙৰ পৰা আটক কৰে সোনমনি কোঁচক৷ যুৱকজনে নগাঁৱৰ এটা কুৰিয়াৰ চাৰ্ভিচত কাম কৰে৷
ইফালে সোধা পোছাৰ অন্তত আটাইকেইজন যুৱককে ক্লীনশ্বীট প্ৰদান কৰে নগাঁও আৰক্ষী অধীক্ষকে।
