প্ৰখ্যাত তবলা বাদক জাকিৰ হুছেইন আৰু গায়ক শংকৰ মহাদেৱনক লৈ গঠিত এক ফিউজন সংগীত গোট ‘শক্তি’ য়ে ‘দিছ মোমেন্ট’ৰ বাবে শ্ৰেষ্ঠ গোলকীয় সংগীত এলবামৰ শ্ৰেণীত ২০২৪ গ্ৰেমী বঁটা লাভ কৰিছে। এলবামটোত সংগীত গোটৰ প্ৰতিষ্ঠাপক সদস্যসকলৰ লগতে গিটাৰবাদক জন মেকলাফলিনৰ লগতে হুছেইন, মহাদেৱন, ভায়োলিনবাদক গণেশ ৰাজাগোপালন আৰু পাৰকাচনিষ্ট চেলভাগণেশ বিনায়াকাৰাম আছে।
৪৫ বছৰতকৈও অধিক সময়ৰ ভিতৰত ‘শক্তি’ৰ প্ৰথম ষ্টুডিঅ’ এলবাম ‘দিচ মোমেন্ট’ ২০২৩ চনৰ জুন মাহত মুক্তি পাইছিল। সংগীতৰ আটাইতকৈ ডাঙৰ পুৰস্কাৰ গ্ৰেমী বঁটা আয়োজন কৰা ৰেকৰ্ডিং একাডেমীয়ে ছ’চিয়েল মিডিয়া প্লেটফৰ্ম ‘এক্স’ত তেওঁলোকৰ পৃষ্ঠাত এই ঘোষণা কৰে।
তেওঁলোকে কয় যে “শ্ৰেষ্ঠ গোলকীয় সংগীত এলবাম বিজয়ী ‘দিছ মোমেন্ট’ শক্তিক অভিনন্দন। মহাদেৱন, ৰাজাগোপালন আৰু চেলভাগণেশ এই বঁটা গ্ৰহণ কৰে। আনহাতে মেকলাফলিন অনুষ্ঠানটোত উপস্থিত নাছিল আৰু হুছেইন আন এটা গ্ৰেমী বঁটা লাভ কৰাৰ পিছত বেকষ্টেজত আছিল।
