ভাৰতত বিক্ৰীৰ বাবে মুকলি হ’ল গেলেক্সি বুক৪ প্ৰ’ ৩৬০, গেলাক্সি বুক৪ প্ৰ’ আৰু গেলেক্সি বুক৪ ৩৬০কে ধৰি চেমচাং গেলেক্সি বুক৪ ছিৰিজ। এই ছিৰিজত এটা বুদ্ধিদীপ্ত প্ৰচেছৰ, অধিক বৈচিত্ৰ্যময় আৰু ইণ্টাৰেক্টিভ ডিছপ্লে আৰু এটা শক্তিশালী চিকিউৰিটী ব্যৱস্থা আছে, যিয়ে এআই পিচিৰ নতুন যুগৰ আৰম্ভণি হিচাপে চিহ্নিত হৈছে। গেলেক্সি বুক৪ ছিৰিজে পিচি, স্মাৰ্টফোন, টেবলেট আৰু অন্যান্য ডিভাইচৰ সৈতে ব্যৱহাৰকাৰীৰ পাৰস্পৰিক ক্ৰিয়াক পুনৰ সংজ্ঞায়িত কৰি তোলাৰ লগতে সংযুক্ত আৰু বুদ্ধিদীপ্ত অভিজ্ঞতা প্ৰদান কৰে।
গেলেক্সিৰ টাচ্ছ-ভিত্তিক ব্যৱহাৰকাৰী আন্তঃপৃষ্ঠ এক নিৰৱচ্ছিন্ন অভিজ্ঞতাৰ বাবে অনুকূলিত কৰা হৈছে। গেলেক্সি বুক৪ প্ৰ’ ৩৬০ৰ মূল্য ১,৬৩,৯৯০ টকা, গেলেক্সি বুক৪ প্ৰ’ৰ মূল্য ১,৩১,৯৯০ টকা, আৰু গেলেক্সি বুক৪ ৩৬০ৰ মূল্য হৈছে ১,১৪,৯৯০ টকা। এই ছিৰিজত ইণ্টেলৰ এআই পিচি ত্বৰণ প্ৰগ্ৰাম আছে, যিয়ে উৎপাদনশীলতা বৃদ্ধি কৰে। ডাইনেমিক এমোলেড দুগুণ ডিচপ্লেৰ জৰিয়তে ঘৰৰ ভিতৰত হওঁক বা বাহিৰত হওঁক, ব্যৱহাৰকাৰীক স্পষ্ট কনট্ৰাষ্ট(বৈপৰীত্য) আৰু উজ্বল ৰং নিশ্চিত কৰে।
ভিজন বুষ্টাৰে ব্ৰাইট পৰিৱেশত দৃশ্যমানতা আৰু ৰঙৰ ৰিপ্ৰডাকচন বৃদ্ধি কৰিবলৈ এক বুদ্ধিদীপ্ত আউটডোৰ এলগৰিথম ব্যৱহাৰ কৰে, আনহাতে এণ্টি-ৰিফ্লেক্টিভ প্ৰযুক্তিয়ে বিভ্ৰান্তিকৰ প্ৰতিফলন হ্ৰাস কৰে। উন্নত মানৰ শব্দৰ মানদণ্ড, ডলবি এটমছৰ® সৈতে একেজি কোৱাড স্পীকাৰে উচ্চ অষ্টাভ আৰু সমৃদ্ধ বেছ প্ৰদান কৰে। এই শৃংখলাটোত এটা শক্তিশালী চিকিউৰিটী প্ৰণালীও অন্তৰ্ভুক্ত আছে। গেলেক্সি বুক৪ ছিৰিজ হৈছে উচ্চ স্তৰৰ উৎপাদনশীলতা থকা লোকসকলক শক্তিশালী কৰিবলৈ আৰু গ্ৰাহকৰ জীৱনৰ মানদণ্ড উন্নত কৰাৰ বাবে প্ৰস্তুত কৰা হৈছে।
