মোবাইল এআই ক্ষেত্ৰখনত নতুন যুগনৰ সূচনা কৰি চেমচাঙে ভাৰতত মুকলি কৰিলে চেমচাং গেলেক্সি এছ ২৪ ছিৰিজ। এই ছিৰিজত গ্ৰাহকে গেলেক্সি এছ ২৪ আল্ট্ৰা আৰু এছ ২৪+ স্মাৰ্টফোন প্ৰি-বুকিং কৰাৰ বিকল্প লাভ কৰিব, সম্প্ৰতি ২২,০০০ আৰু ১৫,০০০ টকাৰ প্ৰি-বুকিং সুবিধা প্ৰদান কৰা হ’ব। ২০২৪ চনৰ ১৮ জানুৱাৰীত অনুষ্ঠিত হ’বলগীয়া “চেমচাং লাইভ” ইভেণ্টৰ সময়ত গেলেক্সি এছ ২৪ৰ প্ৰি-বুকিং কৰাসকলে ৪,৯৯৯ টকাৰ ৱায়াৰলেচ চাৰ্জাৰ ডুঅ’ৰ অতিৰিক্ত এক্সক্লুছিভ উপহাৰ লাভ কৰিব।
গেলেক্সি এছ ২৪ ছিৰিজে বাধাহীন যোগাযোগ সক্ষম কৰি তুলিব, গেলেক্সিৰ প্ৰ’ভিজুৱেল ইঞ্জিনৰ সৈতে সৃষ্টিশীলতাৰ ক্ষেত্ৰত প্ৰদান কৰিছে সৰ্বাধিক স্বতন্ত্ৰতা। ইয়াৰ লগতে চাৰ্চ বা অনুসন্ধানৰ বাবে এক নতুন মানদণ্ড নিৰ্ধাৰণ কৰিছে। গেলেক্সি এছ ২৪ ছিৰিজৰ প্ৰি-বুকিং ১৮ জানুৱাৰীৰ পৰা আৰম্ভ হ’ব, এই ফোন দেশৰ সকলো আগশাৰীৰ অনলাইন আৰু অফলাইন ৰিটেইল ষ্ট’ৰ আৰু চেমচাং লাইভত https://www.samsung.com/in/live-offers/ যোগে প্ৰি-বুকিং কৰিব পাৰিব।
এই ছিৰিজত বিভিন্ন ষ্ট’ৰেজ উপলব্ধ। আনহাতে, গেলেক্সি এছ ২৪ আল্ট্ৰা মোবাইল টাইটানিয়াম ব্লু, টাইটানিয়াম গ্ৰীণ আৰু টাইটানিয়াম অৰেঞ্জ ৰঙত উপলব্ধ, একেদৰে গেলেক্সি এছ ২৪ আৰু এছ ২৪ প্লাছ চেফায়াৰ ব্লু আৰু জেড গ্ৰীণ ৰঙত উপলব্ধ।
