ভাৰতত সংঘটিত বেছিভাগ পথ দুৰ্ঘটনাৰ বাবে মানুহৰ আচৰণ আৰু সুৰক্ষা বিধিৰ প্রতি থকা অৱজ্ঞাই দায়ী বুলি কেন্দ্ৰীয় পথ পৰিবহণ আৰু ঘাইপথ মন্ত্ৰী নীতিন গাডকাৰীয়ে বৃহস্পতিবাৰে লোকসভাত মন্তব্য কৰে। তেওঁ উল্লেখ কৰে যে দেশে প্ৰতি বছৰে প্ৰায় ৫ লাখ পথ দুৰ্ঘটনা সংঘটিত হয়, য’ত প্ৰায় ১.৮০ লাখ লোক প্রাণ হেৰুৱায় আৰু ইয়াৰ প্ৰধান ভুক্তভোগী হয় ১৮ ৰ পৰা ৩৪ বছৰ বয়সৰ যুৱক-যুৱতী।
গাডকাৰীয়ে শোক প্ৰকাশ কৰি কয় যে যুদ্ধ আৰু ক’ভিড মহামাৰীৰ তুলনাত পথ দুৰ্ঘটনাত অধিক মৃত্যু ঘটিছে। সেইদৰে, তেওঁ সংসদৰ প্ৰতিগৰাকী সদস্যক নিজ নিজ সমষ্টিত পথ সুৰক্ষা অভিযান চলাবলৈ আহ্বান জনায় আৰু অধ্যক্ষ ওম বিৰলাক গুৰুত্বপূৰ্ণ বিষয়ে আলোচনা কৰাৰ অনুৰোধ কৰে যাতে সাংসদসকলৰ পৰা গুৰুত্বপূৰ্ণ পৰামৰ্শ লাভ কৰা যায়।
চৰকাৰে পথ দুৰ্ঘটনা ৰোধৰ বাবে কেইবাটাও গুৰুত্বপূৰ্ণ পদক্ষেপ গ্ৰহণ কৰিছে। মন্ত্ৰীগৰাকীয়ে জানাইছে যে যিজন ব্যক্তিয়ে দুৰ্ঘটনাত পতিত লোকক হাস্পতাললৈ লৈ যাব, তেওঁক ২৫,০০০ টকা পুৰস্কাৰ দিয়া হ’ব আৰু ‘ৰাহ-বীৰ’ আখ্যা দিয়া হ’ব। লগতে, দুৰ্ঘটনাগ্ৰস্ত লোকৰ ৭ দিনীয়া চিকিৎসাৰ বাবে চৰকাৰে ১.৫০ লক্ষ টকাতকৈ অধিক ব্যয় বহন কৰাৰ প্রতিশ্রুতি জনাইছে। সমগ্ৰ দেশত চিহ্নিত ৭,০০০ টা দুৰ্ঘটনপ্ৰৱণ স্থান মেৰামতিৰ বাবে চৰকাৰে ৪০,০০০ কোটি টকা আৱণ্টন কৰিছে।
About the Author
