ভাৰতৰ আইকনিক পানীয় ব্ৰেণ্ড ৰাস্নাই ৰাস্না নিউট্ৰি+ নামৰ পুষ্টি সমৃদ্ধ পাউদাৰ কনচেণ্ট্ৰেট মুকলি কৰিছে, যি প্ৰতিষ্ঠানটোৱে নিজৰ স্বাক্ষৰযুক্ত সোৱাদ বজাই ৰাখি বৰ্ধিত স্বাস্থ্য পানীয়ৰ ক্ষেত্ৰখনলৈ এক বৃহৎ পদক্ষেপ ৰূপে চিহ্নিত হৈছে। ৰাস্নাৰ আৰ এণ্ড ডি বিভাগে বিকশিত কৰা এই নতুন সামগ্ৰীবিধে আধুনিক ভাৰতীয় পৰিয়ালৰ সুস্থতাৰ প্ৰয়োজনীয়তা পূৰণৰ লক্ষ্যৰে যোগ কৰা ভিটামিন আৰু খনিজ পদাৰ্থৰ সৈতে পৰম্পৰাগত সতেজতাৰ মিশ্ৰণ ঘটাইছে। ২০২৪ চনত ৯ বিলিয়ন মাৰ্কিন ডলাৰৰ ভাৰতৰ স্বাস্থ্য পানীয়ৰ বজাৰখন অহা দশকত ১১–১২% চিএজিআৰ বৃদ্ধিৰ প্ৰকল্প কৰা হৈছে। ৰাস্না নিউট্ৰি+ পুষ্টিকৰ পদাৰ্থৰে সমৃদ্ধ কাৰ্যকৰী পানীয়ৰ এই চাহিদাক অন্বেষণ কৰিবলৈ সাজু দিছে। অভিযানৰ অংশ হিচাপে, ৰাস্নাই নিজৰ জনপ্ৰিয় সংগ্ৰহযোগ্য পুতলা “প্ৰেংকিজ”ক পুনৰুজ্জীৱিত কৰিছে, য’ত নিৰ্বাচিত ৰাস্না নিউট্ৰি + পেকৰ ভিতৰত লুকুৱাই ৰখা সাপ, ঘঁৰিয়ান আৰু নিগনিৰ দৰে প্ৰাণী ভৰাই থোৱা হয়। ব্ৰেণ্ডটোৱে পুৰস্কাৰ জিনাৰ সুযোগ আৰু অফিচিয়েল প্লেটফৰ্মত প্ৰদৰ্শিত হোৱাৰ বাবে মানুহক ছচিয়েল মিডিয়াত প্ৰেংক ভিডিঅ’ আপলোড কৰিবলৈ উৎসাহিত কৰি এক ডিজিটেল চেলেঞ্জ আৰম্ভ কৰিছে।
গ্ৰীষ্মকালীন প্ৰচাৰ অভিযানত ব্ৰেণ্ড এম্বেছাদৰ হিচাপে বলীউডৰ মোহময়ী অভিনেত্ৰী ৰাকুল প্ৰীত সিঙক দেখুওৱা হৈছে। বিজ্ঞাপনটোত ৰাকুল আৰু দুজন শিশু অভিনেতাৰ মাজত এক কৌতুকপূর্ণ “প্ৰেংক ৱাৰ” প্ৰদৰ্শন কৰা হৈছে, য’ত নতুন ৰাস্না গাৰ্ল আৰু ৰাস্না বয়ক পৰিচয় কৰোৱা হৈছে। লক্ষণীয়ভাৱে, ৰাস্না গ্ৰুপৰ অধ্যক্ষ পিৰুজ খাম্বাট্টাৰ পুত্ৰ ৭ বছৰীয়া আৰিজ খাম্বট্টাই ৰাস্না বয় হিচাপে আত্মপ্ৰকাশ কৰিছে। পিৰুজ খাম্বাট্টাই কয় যে, ৰাস্না নিউট্ৰি +-এ স্থানীয়ভাৱে ফলমূল আহৰণ আৰু সমগ্ৰ দেশৰ কৃষকসকলৰ সৈতে কাম কৰি ‘মেক ইন ইণ্ডিয়া’ পদক্ষেপক সমৰ্থন কৰি সোৱাদ আৰু সুস্থতাৰ মাজৰ ব্যৱধান দূৰ কৰে। সামগ্ৰী আমদানি কৰা প্ৰতিযোগীসকলৰ বিপৰীতে আমি ১০০% ভাৰতীয় আৰু আমাৰ সামগ্ৰীসমূহ ৬০খনৰো অধিক দেশলৈ ৰপ্তানি কৰোঁ।” ৰাকুল প্ৰীত সিঙে নিজৰ অনুভৱ ব্যক্ত কৰি কয় যে, ব্ৰেণ্ডটোৱে বৰ্তমানৰ পৰিয়ালসমূহক অতিৰিক্ত পুষ্টি প্ৰদান কৰাৰ লগতে শৈশৱৰ গ্ৰীষ্মকালৰ বাবে নষ্টালজিয়াৰ সৃষ্টি কৰে।
ইণ্ডিয়ান প্ৰিমিয়াৰ লীগৰ লাইভ সম্প্ৰচাৰৰ সময়ত বিজ্ঞাপন, ৫০ জনতকৈ অধিক প্ৰভাৱশালী ব্যক্তিৰ সৈতে সহযোগিতা আৰু সমগ্ৰ ইউটিউব, মেটা, শিশুকেন্দ্ৰিক টেলিভিছন চেনেল আৰু প্ৰগ্ৰেমেটিক বিজ্ঞাপনত বহু-প্লেটফৰ্মৰ উপস্থিতিকে ধৰি এই অভিযানত শক্তিশালী ডিজিটেল প্ৰচাৰ অভিযান থাকিব। গ্ৰীষ্মকালত গুৱাহাটীৰ বিভিন্ন পৰিয়াল আৰু ক্ষুদ্ৰ খুচুৰা বিক্ৰেতাসকলৰ মাজত সুলভ পানীয়ৰ চাহিদা সাধাৰণতে দ্ৰুতগতিত বৃদ্ধি পায়। ৰাস্নাই ইতিমধ্যে অঞ্চলটোত শক্তিশালী ব্ৰেণ্ড ৰিকল উপভোগ কৰাৰ সমান্তৰালভাৱে ৰাস্না নিউট্ৰি +ৰ শুভাৰম্ভণি আৰু প্ৰেংকিজ সংগ্ৰহযোগ্য সামগ্ৰীৰ পুনৰুজ্জীৱনে চহৰখনৰ চাৰিওফালে বিপণী, ছুপাৰমাৰ্কেট আৰু অৰ্ধ-নগৰীয়া বজাৰত বিক্ৰী বৃদ্ধি কৰিব বুলি আশা কৰা হৈছে। ব্যৱসায়ীসকলে বিশ্বাস কৰে যে, সামগ্ৰীৰ পুষ্টি আৰু নষ্টালজিয়া দুয়োটাৰ ওপৰত গুৰুত্ব দিয়াৰ ফলত অসমৰ গ্ৰীষ্মকালীন পানীয়ৰ বজাৰত ৰস্নাৰ উপস্থিতি শক্তিশালী হ’ব পাৰে।
About the Author
