ৰাজস্থান ৰয়েলছৰ অধিনায়ক সঞ্জু চেমছনক ইয়াত গুজৰাট টাইটানছৰ বিৰুদ্ধে ইণ্ডিয়ান প্ৰিমিয়াৰ লীগৰ (আই পি এল) খেলৰ সময়ত ধীৰ অভাৰৰ বাবে ২৪ লাখ টকাৰ জৰিমনা বিহা হৈছে।বুধবাৰে নৰেন্দ্ৰ মোদী ষ্টেডিয়ামত গুজৰাট টাইটানছে খেলখন ৫৮ ৰানত জিকিছিল। ৰাজস্থান ৰয়েলছে ২১৮ ৰানৰ লক্ষ্য অনুসৰণ কৰি ১৯.২ অভাৰত ১৫৯ ৰানত অলআউট হৈছিল।
বৃহস্পতিবাৰে আই পি এলৰ এক বিবৃতিত আই পি এলয়ে কয় যে আহমেদাবাদৰ নৰেন্দ্ৰ মোদী ষ্টেডিয়ামত গুজৰাট টাইটানছৰ বিৰুদ্ধে টাটা ইণ্ডিয়ান প্ৰিমিয়াৰ লীগ (আই পি এল) ২০২৫ ৰ খেলৰ সময়ত ধীৰ অভাৰ বজাই ৰখাৰ বাবে ৰাজস্থান ৰয়েলছৰ অধিনায়ক সঞ্জু চেমছনক জৰিমনা বিহা হৈছে।
বিবৃতিটোত কোৱা হৈছে যে আই পি এলৰ আচৰণ বিধিৰ লেহেম অভাৰৰ চৰ্ত ২.২২ ৰ অধীনত এইটো তেওঁৰ দলৰ দ্বিতীয় টো অপৰাধ আছিল, সেয়েহে চেমছনক ২৪ লাখ টকাৰ জৰিমনা বিহা হৈছে। গুজৰাট টাইটানছ দল এতিয়াও পাঁচখন মেচত চাৰিখনত জয় আৰু এখনত পৰাজয়ৰ সৈতে তালিকাৰ শীৰ্ষত আছে, আনহাতে ৰাজস্থান ৰয়েলছ পাঁচখন মেচত দুটা জয় আৰু তিনিটা পৰাজয়ৰ সৈতে সাত নম্বৰত আছে।
