প্ৰধানমন্ত্ৰী নৰেন্দ্ৰ মোদী আৰু চৌদি আৰবৰ ক্ৰাউন প্ৰিন্স মহম্মদ বিন ছলমান বিন আব্দুল আজিজ আল-চাউদে নতুন দিল্লীত দ্বিপাক্ষিক আৰু প্ৰতিনিধি পৰ্যায়ৰ আলোচনাচ মিলিত হয়। দুয়োগৰাকী নেতাই দ্বিপাক্ষিক সম্পৰ্কৰ বিভিন্ন দিশ পৰ্যালোচনা কৰি ভাৰত-চৌদি আৰব কৌশলগত অংশীদাৰিত্বৰ সম্ভাৱনা বৃদ্ধি কৰাৰ উপায়ৰ বিষয়ে আলোচনা কৰে।
প্ৰধানমন্ত্ৰী নৰেন্দ্ৰ মোদীয়ে আঞ্চলিক স্থিৰতা, বিশ্ব কল্যাণ আৰু ভাৰতৰ স্বাৰ্থৰ বাবে ভাৰত-চৌদি আৰবৰ অংশীদাৰিত্বৰ গুৰুত্বৰ ওপৰত গুৰুত্ব আৰোপ কৰিছে আৰু ভাৰত, পশ্চিম এছিয়া আৰু ইউৰোপৰ মাজত এক ঐতিহাসিক অৰ্থনৈতিক কৰিড’ৰ স্থাপনৰ কথা ঘোষণা কৰে। প্ৰধানমন্ত্ৰীয়ে কয় যে, এই কৰিড’ৰে কেৱল দুয়োখন দেশক সংযোগ কৰাই নহয় এছিয়া, পশ্চিম এছিয়া আৰু ইউৰোপৰ মাজত অৰ্থনৈতিক উন্নয়ন আৰু ডিজিটেল সংযোগৰ সুবিধা প্ৰদানতো সহায় কৰিব। ছৌদি আৰবৰ ক্ৰাউন প্ৰিন্সে উল্লেখ কৰে যে, ভাৰত-চৌদি আৰবৰ সম্পৰ্কত কেতিয়াও মতানৈক্যৰ সন্মুখীন হোৱা নাই, বৰঞ্চ ভৱিষ্যৎ গঢ়ি তোলা আৰু সুযোগ সৃষ্টিৰ বাবে সহযোগিতাৰ সৃষ্টি হৈছে। তেওঁ আৰু কয় যে, “আজিৰ আলোচনাই সম্পৰ্কক নতুন শক্তি আৰু দিশ প্ৰদান কৰিব। ই আমাক মানৱতাৰ কল্যাণৰ বাবে একেলগে কাম কৰিবলৈ অনুপ্ৰাণিত কৰিব।”
ভাৰত আৰু চৌদি আৰবে বন্ধুত্বপূৰ্ণ সম্পৰ্কৰ ওপৰত আলোকপাত কৰি ভাৰত-চৌদি কৌশলগত অংশীদাৰিত্ব পৰিষদৰ কাৰ্যবিৱৰণীত স্বাক্ষৰ কৰিছে। ভাৰত হৈছে চৌদি আৰবৰ দ্বিতীয় সৰ্ববৃহৎ বাণিজ্যিক অংশীদাৰ আৰু ২০২২-২৩ চনত দ্বিপাক্ষিক বাণিজ্য ৫২ বিলিয়ন ডলাৰত উপনীত হৈছিল। চৌদি আৰব শক্তি সুৰক্ষাৰ এক মুখ্য অংশীদাৰ।
