ভাৰতৰ ঐক্য, অখণ্ডতা, নিৰাপত্তা আৰু সাৰ্বভৌমত্বৰ প্ৰতি ভাবুকি কঢ়িয়াই অনা অপৰাধমূলক ষড়যন্ত্ৰৰ সৈতে জড়িত ২০১১ চনৰ পিএলএ-চিপিআই (মাওবাদী) নেক্সাছ গোচৰত গুৱাহাটীৰ এনআইএ বিশেষ আদালতে ৫জন ব্যক্তিক দোষী সাব্যস্ত কৰে।
দোষী সাব্যস্ত হোৱা অভিযুক্তৰ তিনিজন পিপলছ লিবাৰেশ্যন আৰ্মী (পিএলএ) আৰু দুজন ভাৰতীয় কমিউনিষ্ট পাৰ্টি (মাওবাদী)ৰ সদস্য।
নিষিদ্ধ সন্ত্ৰাসবাদী সংগঠন পিএলএই চিপিআই (মাওবাদী)ৰ সমৰ্থনত দেশখনক অস্থিৰ কৰাৰ ষড়যন্ত্ৰ ৰচনা কৰা বুলি ইনপুটত ২০১১ চনৰ ১ জুলাইত এনআইএই ছুঅ’ মট’ৰ গোচৰ ৰুজু কৰিছিল।
চিপিআই (মাওবাদী) নেতাসকলে উত্তৰ-পূব ৰাজ্য মণিপুৰ, পৃথক জাতি হিচাপে সৃষ্টিৰ বাবে পিএলএৰ বিচ্ছিন্নতাবাদী কাৰ্যকলাপক স্বীকৃতি আৰু সমৰ্থন দিবলৈ সন্মত হৈছিল। পিএলএ নেতৃত্বই নিজৰ ফালৰ পৰা সাংবিধানিকভাৱে নিৰ্বাচিত ভাৰত চৰকাৰক উৎখাত কৰাৰ বাবে চিপিআই (মাওবাদী)ৰ অব্যাহত থকা যুদ্ধক সমৰ্থন কৰাৰ সিদ্ধান্ত গ্ৰহণ কৰে।
তদন্তত প্ৰকাশ পাইছে যে পিএলএই কলকাতাত এটা যোগাযোগ কাৰ্যালয় স্থাপন কৰিছিল, য’ত পিএলএ/আৰপিএফ আৰু চিপিআই (মাওবাদী) নেতাৰ মাজত এখন বৈঠক অনুষ্ঠিত হৈছিল। ভাৰত সংঘৰ বিৰুদ্ধে যুদ্ধ চলোৱাৰ বাবে ঐক্যবদ্ধ ব্যৱস্থা গ্ৰহণৰ বাবে বৈঠকত মডালিটি তৈয়াৰ কৰা হয়। পিএলএ/আৰপিএফৰ প্ৰশিক্ষকে চিপিআই (মাওবাদী)ৰ কেডাৰসকলক সামৰিক প্ৰশিক্ষণ দিয়াৰ বাবে ঝাৰখণ্ডত পিএলএ/আৰপিএফ আৰু চিপিআই (মাওবাদী) নেতৃত্বৰ মাজত এখন দ্বিপাক্ষিক বৈঠকও অনুষ্ঠিত হয়।
তদন্তৰ সময়ত আৰু পোহৰলৈ আহিল যে ২০১০ চনৰ ৬ এপ্ৰিলত নিৰাপত্তা বাহিনীত আক্ৰমণ চলাই চি পি আই (মাওবাদী)ৰ সাধাৰণ সম্পাদককো প্ৰশংসা কৰিছিল, যাৰ ফলত চি আৰ পি এফৰ ৭৬ জন জোৱান হত্যা হৈছিল ছত্তীশগড়ত।
তদন্তত এই কথাও পোহৰলৈ আহিছে যে পিএলএই মাওবাদী কেডাৰসকলক লজিষ্টিক সহায় আগবঢ়াইছিল আৰু দুয়োটা গোটে নিয়মিতভাৱে যোগাযোগ আৰু ই-মেইল বিনিময় কৰিছিল। অভিযুক্ত লোককেইজনে ভাৰতৰ ভিতৰত আৰু বাহিৰত বিভিন্ন স্থানলৈ গৈ ছদ্মনাম পৰিচয়ৰ অধীনত ভুৱা আইডি আৰু বেংক একাউণ্ট তৈয়াৰ কৰিছিল।
এই তথ্যৰ ভিত্তিত ২০১২ চনৰ ২১ মে’ আৰু ১৬ নৱেম্বৰত এই গোচৰৰ লগতে ২০১৪ চনৰ ৩১ জুলাইত গুৱাহাটীৰ এন আই এৰ বিশেষ আদালতত এন আই এয়ে অভিযোগনামা দাখিল কৰিছিল। বুধবাৰে আদালতে বিস্তৃত শুনানিৰ অন্তত এই গোচৰৰ অভিযুক্ত পাঁচজন ব্যক্তিক u/s 121A IPC & Sec 18, 18A & 39 of UA(P)Act 1967 ৰ অধীনত দোষী সাব্যস্ত কৰে।
About the Author
