ছুইডেনৰ প্ৰখ্যাত সামগ্ৰিক সুস্থতা ব্ৰেণ্ড অৰিফ্লেমে শেহতীয়াকৈ ছুইডেনৰ দূতাবাসে আয়োজন কৰা ছুইডেনৰ নেটৱৰ্কিং ৰিচেপচনত সুদূৰপ্ৰসাৰী প্ৰভাৱ পেলাবলৈ সক্ষম হৈছে। এই অনুষ্ঠানত বহনক্ষমতাক আলোকপাত কৰা হয় আৰু আইকিয়া, ভলভ’, এইচ এণ্ড এম আৰু টেট্ৰা পাকৰ দৰে জনপ্ৰিয় ছুইডেনৰ ব্ৰেণ্ডসমূহে ভাৰত-ছুইডেনৰ সম্পৰ্ক শক্তিশালী কৰাৰ ক্ষেত্ৰত প্ৰতিষ্ঠানসমূহৰ ভূমিকাৰ ওপৰত বিশেষ গুৰুত্ব আৰোপ কৰে।
অৰিফ্লেমে ১০০% জৈৱ-পচনশীল ষ্টলৰ জৰিয়তে বহনক্ষমতাৰ প্ৰতি নিজৰ সমৰ্পণ প্ৰদৰ্শন কৰিছিল, যিয়ে প্ৰকৃতিৰ সৈতে ঘনিষ্ঠ সম্পৰ্কক প্ৰতিফলিত কৰিছিল। উল্লেখযোগ্য যে, অৰিফ্লেমৰ ব্ৰেণ্ড পাৰ্টনাৰৰ ৮০%ই হৈছে মহিলা আৰু ভাৰতত বিক্ৰী হোৱা প্ৰায় ৮৫% সামগ্ৰী স্থানীয়ভাৱে উৎপাদিত। এই পৰিসংখ্যাই দেশৰ অৰ্থনৈতিক আৰু সামাজিক দুয়োটা উন্নয়নৰ প্ৰতি ব্ৰেণ্ডৰ দায়বদ্ধতাক আলোকপাত কৰে। অৰিফ্লেমৰ জ্যেষ্ঠ উপাধ্যক্ষ তথা ভাৰতৰ মুৰব্বী এডিটা কুৰেকে এই বিষয়ে কয় যে, “আমি আমাৰ ব্যৱসায়িক আৰ্হিৰ জৰিয়তে লাখ লাখ মহিলাক বিত্তীয় স্বতন্ত্ৰতা প্ৰদান কৰি নাৰী সমাজক শক্তিশালী কৰিবলৈ প্ৰতিশ্ৰুতিবদ্ধ।” এডিটা কুৰেকে লগতে গুৰুত্ব আৰোপ কৰে যে মহিলাসকলক লৈ অৰিফ্লেমৰ বিশ্বব্যাপী কৰ্মশক্তিৰ ৬০% জড়িত হৈ আছে, সেয়েহে সুৰক্ষিত, পৰিৱেশ-অনুকূল সামগ্ৰীৰ জৰিয়তে লিংগ সমতা আৰু সামূহিক উন্নয়নক সক্ৰিয়ভাৱে প্ৰচাৰ কৰি আহিছে।
ইয়াৰ লগতে ২০২৩ চনত মুকলি কৰা অৰিফ্লেমৰ ৯৫% ৰিনছ-অফ সামগ্ৰী জৈৱ-পচনশীল হ’ব পৰাকৈ ডিজাইন কৰা হৈছে, যি এক বহনক্ষম ভৱিষ্যতৰ লগতে পৰিষ্কাৰ সৌন্দৰ্য চৰ্চাৰ প্ৰতি সমৰ্পণ আৰু অধিক শক্তিশালী কৰিছে। আনহাতে ক্ষুদ্ৰ-উদ্যোগী পদক্ষেপৰ জৰিয়তে এক ইতিবাচক সামাজিক প্ৰভাৱ বৃদ্ধি কৰিছে।
