মহাৰাষ্ট্ৰৰ ৰাজ্যপাল চি পি ৰাধাকৃষ্ণনে আজি এনএছইৰ মুখ্য কাৰ্যালয়ত ঐতিহ্যমণ্ডিত এনএছই ষাঁড়গৰু(বুল)ৰ মূৰ্তি উদ্বোধন কৰাৰ লগতে “১.৪ বিলিয়ন স্বপ্নক সবলীকৰণৰ যাত্ৰা” শীৰ্ষক স্মৃতিগ্ৰন্থখন উন্মোচন কৰে। শক্তি আৰু স্থিতিস্থাপকতাৰ প্ৰতীক এই মূৰ্তিটোৰ চাৰিওফালে ভাৰতৰ বিস্তৃত বিনিয়োগৰ পৰিৱেশক প্ৰতিনিধিত্ব কৰা বৈচিত্ৰ্যময় ব্যক্তিসকলে দেশৰ বিত্তীয় পৰিৱেশ তন্ত্ৰৰ ঐক্য আৰু অন্তৰ্ভুক্তিক প্ৰৌজ্বল কৰি তুলিছে।
এই স্মৃতিগ্ৰন্থত ১৯৯৪ চনত এনএছইৰ যাত্ৰা আৰম্ভ হোৱাৰে পৰা এনএছইৰ ৩০ বছৰীয়া যাত্ৰাৰ ইতিহাস তুলি ধৰা হৈছে, গ্ৰন্থখনত ভাৰতৰ মূলধনী বজাৰত পৰিৱৰ্তনশীল ভূমিকাৰ বিশদ বিৱৰণ দাঙি ধৰা হৈছে। এনএছইয়ে বিভিন্ন আৰু বিচিত্ৰ কাৰ্য-কলাপৰ জৰিয়তে বিশ্বৰ সৰ্ববৃহৎ ষ্টক এক্সচেঞ্জলৈ ৰূপান্তৰিত হৈছে, যিয়ে ভাৰতক বিশ্বজুৰি পঞ্চম বৃহত্তম অৰ্থনীতি হিচাপে গঢ়ি তোলাৰ উত্থানক প্ৰতিফলিত কৰিছে।
ৰাজ্যপাল ৰাধাকৃষ্ণনে বিত্তীয় খণ্ডত বৈপ্লৱিক পৰিৱৰ্তন আনিবলৈ এনএছইৰ ভূমিকাক উচ্চ প্ৰশংসা কৰিছে, এই বিশেষ ষাঁড়গৰুৰ সাংকেতিক গুৰুত্ব আৰু ভাৰতৰ বিকাশত এনএছইৰ অৱদানৰ ওপৰত গুৰুত্ব আৰোপ কৰিছে। এনএছইৰ এমডি তথা মুখ্য কাৰ্যবাহী বিষয়া আশিস কুমাৰ চৌহানে বজাৰ আৰু সমাজৰ মাজত পাৰস্পৰিক সম্পৰ্কত ষাঁড়গৰুৰ প্ৰতিনিধিত্ব বা গুৰুত্বৰ ওপৰত আলোকপাত কৰে। এই অনুষ্ঠানত ১০ কোটিতকৈও অধিক অনন্য বিনিয়োগকাৰীৰ কাষ চাপিবলৈ সক্ষম হোৱা এনএছইৰ কৃতিত্বও উদযাপন কৰা হয়। গুৱাহাটীত এনএছই বুল আৰু গ্ৰন্থ উন্মোচনে বিভিন্ন আঞ্চলিক বজাৰত এনএছইৰ অগ্ৰগতিৰ গুৰুত্বপূৰ্ণ প্ৰভাৱৰ ওপৰত গুৰুত্ব আৰোপ কৰিছে। এক বৰ্ধিত বিত্তীয় কেন্দ্ৰ হিচাপে গুৱাহাটীয়ে এনএছইৰ শেহতীয়া উদ্ভাৱনৰ জৰিয়তে বৰ্ধিত বজাৰৰ উপলব্ধতা আৰু বিনিয়োগকাৰীৰ আত্মবিশ্বাসৰ বিস্তৃত ট্ৰেণ্ড প্ৰতিফলিত কৰে। এই অনুষ্ঠানে সমগ্ৰ ভাৰতৰ অৰ্থনৈতিক প্ৰগতি আৰু অন্তৰ্ভুক্তিৰ বাবে এনএছইৰ প্ৰতিশ্ৰুতি পুনৰ নিশ্চিত কৰে।
