নিছানে গ্ৰেট ব্ৰিটেইনত নিৰ্মিত তিনিওখন বৈদ্যুতিক বাহন ১০০% ইলেক্ট্ৰিক হ’ব বুলি নিশ্চিত কৰিছে। নিছানে চাণ্ডাৰলেণ্ডত ইভি৩৬ জিৰো হাব স্থাপন কৰাৰ পৰিকল্পনা কৰিছে, য’ত ভৱিষ্যতৰ উৎপাদনৰ বাবে নিছানৰ ব্লুপ্ৰিণ্ট অন্তৰ্ভুক্ত কৰা হৈছে। এই কেন্দ্ৰটোত ৩খন ইলেক্ট্ৰিক বাহন (ইভি), ৩টা গিগা ফেক্টৰী আৰু ৩ বিলিয়ন পাউণ্ড পৰ্যন্ত বিনিয়োগ থাকিব—নিছানৰ ৭,০০০ ব্ৰিটেইনৰ কৰ্মচাৰী আৰু ব্ৰিটেইনৰ চাপ্লাই চেইনত সমৰ্থিত ৩০,০০০ চাকৰিৰ বাবে এক সুখবৰ।
এই পৰিৱৰ্তনশীল প্ৰকল্পটোত কেৱল নিছানৰ ফ্লেগশ্বিপ কাশ্বকাই আৰু জুক ক্ৰছঅভাৰৰ ভৱিষ্যতৰ ভৱিষ্যতৰ অল-ইলেক্ট্ৰিক সংস্কৰণ অন্তৰ্ভুক্ত কৰাই নহয়, লগতে নিচানে আজি নিশ্চিত কৰিছে যে ব্ৰিটেইনৰ উৎপাদনৰ বাবে পৰিকল্পনা কৰা তৃতীয়খন বাহন হ’ব পৰৱৰ্তী প্ৰজন্মৰ নিছান লিফ, যিখন গাড়ীয়ে অটোমোটিভ উদ্যোগৰ বৈদ্যুতিকৰণৰ বাবে নতুন দিগন্তৰ সূচনা কৰিছে। ভৱিষ্যতৰ মডেলবোৰ হাইপাৰ আৰ্বান, হাইপাৰ পাংক আৰু চিল-আউট ধাৰণাসমূহৰ দ্বাৰা প্ৰভাৱিত হ’ব।
এই বিষয়ে ব্ৰিটেইনৰ প্ৰধানমন্ত্ৰী ঋষি ছুনাকে কয় যে: “এই উদ্যোগটোৱে বৈদ্যুতিক বাহনৰ উদ্ভাৱন আৰু উৎপাদনৰ বাবে ইউকেৰ চিলিকন ভেলী হিচাপে চাণ্ডাৰলেণ্ডৰ ভৱিষ্যৎ সুৰক্ষিত কৰিব।বাহন আৰু বেটাৰীৰ উৎপাদন ইভি৩৬জিৰো মাইক্ৰ’গ্ৰিডৰ দ্বাৰা চালিত হ’ব, যিয়ে নিছানৰ বতাহ আৰু চলাৰ(সৌৰ) ফাৰ্মসমূহ অন্তৰ্ভুক্ত কৰিব। লগতে নিছান আৰু চুবুৰীয়া যোগানকাৰীসকলক ১০০% নবীকৰণযোগ্য বিদ্যুৎ প্ৰদানৰ ক্ষমতাও থাকিব।
