নিছান মটৰ ইণ্ডিয়া প্ৰাইভেট লিমিটেডে (এনএমআইপিএল) ২০২৩ চনৰ এপ্ৰিল মাহৰ বাবে ৩২৪৯ ইউনিটৰ পাইকাৰী বিক্ৰীৰ কথা প্ৰকাশ কৰিছে। ঘৰুৱা পাইকাৰী বিক্ৰী ২৬১৭ ইউনিট, আনহাতে ৰপ্তানি পাইকাৰী বিক্ৰী হৈছেগৈ ৬৩২ ইউনিট।
নিছান মটৰ ইণ্ডিয়াই শেহতীয়াকৈ ২০২২-২৩ বিত্তীয় বৰ্ষৰ বাবে YTDৰ বিক্ৰী ২৩% বৃদ্ধিৰ কথা প্ৰকাশ কৰিছিল। ঘৰুৱা বিক্ৰীৰ বাবে YOY মাৰ্চত ৮% আৰু এতিয়া ২০২৩ চনৰ এপ্ৰিল মাহত ২৪% বৃদ্ধিৰ কথা প্ৰকাশ কৰিছে আৰু পৰৱৰ্তী বিত্তীয় বৰ্ষ ২০২৩-২৪লৈকে বৃদ্ধিৰ গতি অব্যাহত থাকিব বুলি প্রকাশ কৰিছে। নিছানে গ্ৰাহকৰ ক্ৰমবৰ্ধমান প্ৰয়োজনীয়তা পূৰণৰ বাবে PHYGITAL বিতৰণ পদ্ধতিৰে কাম কৰি আছে। ২০২৩ চনৰ এপ্ৰিল মাহত নিছানে কৰ্ণাল (হাৰিয়ানা) আৰু খাম্মাম (তেলেংগানা)ত দুটা শ্ব’ৰুম আৰু ৱৰ্কশ্বপ সংযোজন কৰি গ্ৰাহকৰ টাছপইণ্ট বৃদ্ধি কৰে। বিগ, বল্ড এণ্ড বিউটিফুল নিছান মেগনাইটক ১৫খন বিশ্বৰ বজাৰলৈ ৰপ্তানি কৰা হৈছে।
শেহতীয়াকৈ ছিচেলছ, বাংলাদেশ, উগাণ্ডা আৰু ব্ৰুনাইতো মুকলি কৰা হৈছে। নিছান ইণ্ডিয়াই নিজৰ প্ৰাথমিক ৰপ্তানি বজাৰ ইউৰোপৰ পৰা মধ্যপ্ৰাচ্যৰ দেশ, যেনে চৌদি আৰব, সংযুক্ত আৰব আমিৰশ্বাহী, ওমান, কাটাৰ, বাহৰেইন, আৰু কুৱেইটলৈ স্থানান্তৰিত কৰিছে। নিছানে জিএনচিএপি ৪.০ ৰেটিং আৰু সৰ্বশ্ৰেষ্ঠ সুৰক্ষা বৈশিষ্ট্যৰ সৈতে মেগনাইটৰ BS6 ষ্টেজ ২ RDE-কমপ্লায়েণ্ট সংস্কৰণ প্ৰৱৰ্তন কৰিছিল। নিছান মটৰ ইণ্ডিয়াৰ পৰিচালন সঞ্চালক ৰাকেশ শ্ৰীবাস্তৱে মন্তব্য কৰে যে, “আগলৈ আগবাঢ়ি গৈ আমি জিডিপি বৃদ্ধি আৰু স্বাভাৱিক বৃষ্টিপাতৰ বাবে গ্ৰাহকৰ মনোভাৱ ইতিবাচক হৈ থকা দেখিছো, ২০২৩-২৪ বিত্তীয় বৰ্ষৰ বাবে উদ্যোগৰ উচ্চ একক অংকৰ বৃদ্ধি উচ্চ হোৱাৰ অনুমান কৰা হৈছে।”
