নৰ্থ-ইষ্ট স্মল ফাইনেঞ্চ বেংক(এনইএছএফবি)-এ ২০২৪ চনৰ ২৭ অক্টোবৰত শ্লাইচৰ সৈতে একত্ৰিকৰণ সফলতাৰে সম্পূৰ্ণ কৰাৰ পিছত বিত্তীয় অৱস্থা আৰু সুস্থিৰতা যথেষ্ট পৰিমাণে বৃদ্ধি পাইছে। এনইএছএফবিৰ প্ৰতিষ্ঠিত বেংকিং ভেটিক শ্লাইচৰ প্ৰযুক্তিগত উদ্ভাৱনৰ সৈতে সহযোগিতা কৰি এই একত্ৰিকৰণৰ জৰিয়তে বেংকৰ বিত্তীয় পৰিমাণ আৰু কাৰ্যকৰী ক্ষমতাক অধিক শক্তিশালী কৰি তুলিছে, যাৰ ফলত নিজৰ অংশীদাৰসকলৰ বাবে এক সুস্থিৰ আৰু স্থিতিস্থাপক ভৱিষ্যতৰ পথ মুকলি হৈছে। নৰ্থ-ইষ্ট স্মল ফাইনেঞ্চ বেংকৰ ২৩.৫% শক্তিশালী কেপিটেল টু ৰিস্ক-ৱেইটেড এচেটছ ৰেচিঅ’ (চি আৰ এ আৰ)ৰ সৈতে ৰিস্ক গ্ৰহণ আৰু বৃদ্ধিৰ বাবে সুসজ্জিত, যাৰ ফলত নিজৰ অংশীদাৰসকলৰ মাজত আস্থা গঢ়ি উঠিছে। বিশেষকৈ উত্তৰ-পূবৰ অনগ্ৰসৰ অঞ্চলসমূহত কৌশলগত সম্প্ৰসাৰণ অব্যাহত ৰাখিছে আৰু বিনিয়োগৰ বাবে বেংকটো আজিৰ তাৰিখত সুস্থিৰ অৱস্থাত আছে, বৰ্তমান সম্পদৰ পৰিমাণ ৯২০ কোটিলৈ বৃদ্ধি পাইছে। আনহাতে, মুঠ নন-পাৰফৰ্মিং এচেটছ(এনএনপিএ)ৰ পৰিমাণ ৪.৬%লৈ বৃদ্ধিয়ে উন্নত সম্পদৰ মানদণ্ড, সংগ্ৰহ ব্যৱস্থাপনা আৰু অনুশাসিত বিপদ ব্যৱস্থাপনাৰ প্ৰতিফলন ঘটাইছে। এই পৰিসংখ্যাই প্ৰতিষ্ঠানটোৰ উন্নত আৰ্থিক স্থিতি আৰু মূল্য প্ৰদানৰ প্ৰতি প্ৰতিষ্ঠানটোৰ দায়বদ্ধতাক উজ্জ্বল কৰি তুলিছে।
এনইএছএফবিৰ পৰিচালন সঞ্চালক আৰু মুখ্য কাৰ্যবাহী বিষয়া সতীশ কুমাৰ কালৰাই বেংকটোৰ শক্তিশালী স্থিতি সন্দৰ্ভত নিজৰ অভিমত ব্যক্ত কৰি কয় যে: “এই একত্ৰিকৰণে প্ৰকৃতাৰ্থত এনইএছএফবিক বিত্তীয় বহনক্ষমতা আৰু কাৰ্যকৰী উৎকৰ্ষতাৰ এক নতুন যুগলৈ লৈ গৈছে। আমাৰ শক্তিশালী মূলধনক আধাৰ কৰি আমি উত্তৰ-পূবত অধিক সম্প্ৰসাৰিত কৰিবলৈ আমি উৎসাহী, যিবোৰে সমাজৰ সকলো শ্ৰেণীৰ আটাইতকৈ বেছি প্ৰয়োজনীয় উন্নত বেংকিং সমাধান প্ৰদান কৰিব। এই উন্নত বিত্তীয় উপাদানবোৰে বহনক্ষম বিকাশৰ প্ৰতি আমাৰ অটল প্ৰতিশ্ৰুতি প্ৰতিফলিত কৰে আৰু অঞ্চলটোত এক বিশ্বস্ত প্ৰতিষ্ঠান হিচাপে আমাৰ ভূমিকা শক্তিশালী কৰে।” এনইএছএফবি-এ নিজৰ বিপদাশংকা ব্যৱস্থাপনা পদ্ধতি ক্ৰমান্বয়ে উন্নত কৰিছে, যাৰ ফলত বিত্তীয় আৰু কাৰ্যকৰী বিপদাশংকাবোৰ নিয়ন্ত্ৰণ কৰাত অধিক সক্ৰিয় হৈ পৰিছে। এই পৰিৱৰ্তনবোৰে বেংকটোক নিৰন্তৰ পৰিৱৰ্তনশীল অৰ্থনৈতিক দৃশ্যপটত স্থিতিস্থাপক আৰু অভিযোজনযোগ্য হৈ থকাত সহায় কৰে।
এনইএছএফবি-ৰ দৃষ্টিভংগীৰ মূলত আছে উত্তৰ-পূবৰ সমৃদ্ধ ঐতিহ্যৰ দ্বাৰা অনুপ্ৰাণিত উদ্ভাৱনৰ প্ৰতি এক শক্তিশালী প্ৰতিশ্ৰুতি। বেংকৰ সেৱা-সামগ্ৰীবোৰৰ লক্ষ্য হৈছে অৰ্থনৈতিক আৰু সামাজিক ব্যৱধান দূৰ কৰা, অন্তিম মাইল স্থানৰ গ্ৰাহকজনৰ ওচৰলৈ যোৱা। শ্লাইচৰ উন্নত প্ৰযুক্তি ব্যৱহাৰ কৰি এনইএছএফবি-এ যিকোনো আৰ্থ-সামাজিক পৃষ্ঠভূমিৰ লোকক শক্তিশালী কৰাৰ ওপৰত গুৰুত্ব আৰোপ কৰিছে, লগতে বিত্তীয় স্বতন্ত্ৰতাৰ সহজ প্ৰৱেশাধিকাৰ প্ৰদান কৰিছে। এনইএছএফবিৰ উন্নত বিত্তীয় অৱস্থা আৰু কাৰ্যকৰী ক্ষমতাই প্ৰতিষ্ঠানিক অংশীদাৰ আৰু গ্ৰাহকসকলক স্বচ্ছতা আৰু নিৰ্ভৰযোগ্যতাৰে সেৱা আগবঢ়োৱাৰ প্ৰতি সমৰ্পণৰ ওপৰত গুৰুত্ব আৰোপ কৰে। এই একত্ৰিকৰণৰ ফলত প্ৰতিষ্ঠানটোৱে ভাৰতৰ অন্যতম সক্ষম প্ৰযুক্তি-সক্ষম বেংক হিচাপে আত্মপ্ৰকাশ কৰাৰ এখন প্লেটফৰ্ম তৈয়াৰ কৰিছে।
