ভাৰতকে ধৰি বিশ্বজুৰি ১০০ কোটিৰো অধিক শিশু জলবায়ু পৰিৱৰ্তনৰ গুৰুতৰ বিপদাশংকাত আছে। ইউনিচেফে প্ৰকাশ কৰা এক নতুন প্ৰতিবেদনত এই তথ্য প্ৰকাশ পাইছে। প্ৰতিবেদন অনুসৰি, ভাৰত, পাকিস্তান, আফগানিস্তান, মধ্য আফ্ৰিকান গণৰাজ্য, চাদ আৰু নাইজেৰিয়াৰ শিশুসকলৰ জলবায়ু পৰিৱৰ্তনৰ আশংকা আটাইতকৈ বেছি। ইউনিচেফে প্ৰকাশ কৰা অনুসৰি ভাৰতকে ধৰি এই দেশবোৰক জলবায়ু পৰিৱৰ্তনৰ ক্ষেত্ৰত আটাইতকৈ বিপদাশংকা যুক্ত দেশসমূহত অন্তৰ্ভুক্ত কৰা হৈছে, য’ত জলবায়ু পৰিৱৰ্তনে শিশুসকলৰ বৰ্তমান আৰু ভৱিষ্যতক বিভিন্ন ধৰণে প্ৰভাৱিত কৰিছে।
প্ৰতিবেদন অনুসৰি, জলবায়ু পৰিৱৰ্তনে শিশুসকলৰ স্বাস্থ্য, শিক্ষা আৰু সুৰক্ষাৰ বাবে এক গুৰুতৰ ভাবুকি সৃষ্টি কৰিছে। প্ৰতিবেদন অনুসৰি, পৃথিৱীৰ প্ৰায় আধা শিশু, যাৰ সংখ্যা ১০০ কোটিতকৈও অধিক তেওঁলোকে জলবায়ু পৰিৱৰ্তনৰ অতি উচ্চ বিপদাশংকা থকা ৩৩ খন দেশত বাস কৰে, যাৰ ভিতৰত ভাৰতো আছে।
এই শিশুসকলে পৰিষ্কাৰ পানী, অনাময়, শিক্ষা আৰু স্বাস্থ্য সেৱাৰ দৰে অত্যাৱশ্যকীয় সেৱাৰ অভাৱৰ সন্মুখীন হৈছে, যাৰ ওপৰত জলবায়ু পৰিৱৰ্তন আৰু পাৰিপাৰ্শ্বিক বিপদে তেওঁলোকৰ জীৱন অধিক বিপদজনক কৰি তুলিছে। এনে পৰিস্থিতিত, আকলন কৰা হৈছে যে জলবায়ু পৰিৱৰ্তনৰ প্ৰভাৱ বৃদ্ধি হোৱাৰ সৈতে, সেইবোৰৰ ওপৰত বিপদাশংকা আৰু বৃদ্ধি হ’ব।
