টকিঅ’ অলিম্পিকৰ ৰূপৰ পদক বিজয়ী মীৰাবাঈ চানু অৱশেষত পেৰিছত উপস্থিত হৈছে। যোৱা কেইসপ্তাহমান ধৰি ফ্ৰান্সত প্ৰশিক্ষণ লৈ থকা চানুৱে এতিয়া অলিম্পিক ভিলেজত উপস্থিত হৈছে। পেৰিছ অলিম্পিকত চানু ভাৰতৰ বাবে এক গুৰুত্বপূৰ্ণ পদকৰ দাবীদাৰ। তেওঁ ৭ আগষ্টত মহিলাৰ ৪৯ কিলোগ্ৰাম ভাৰোত্তোলন প্ৰতিযোগিতাত অংশগ্ৰহণ কৰিব। মীৰাবাঈ চানুৱে ২০১৬ৰ ৰিঅ’ অলিম্পিকত আত্মপ্ৰকাশ কৰিছিল, য’ত তেওঁ ক্লিন এণ্ড জাৰ্ক শ্ৰেণীৰ তিনিওটা প্ৰচেষ্টাত বিফলতাৰ বাবে ইভেণ্টটো সম্পূৰ্ণ কৰিব নোৱাৰিলে। অৱশ্যে, তেওঁ টকিঅ’ অলিম্পিক ২০২০ ত ৰূপৰ পদক জিকি এক সুন্দৰ প্ৰত্যাৱৰ্তন কৰিছিল। যোৱা কেইবছৰমান মীৰাবাঈ চানু আঘাতৰ সৈতে যুঁজি আছিল, যাৰ বাবে তেওঁ বহুতো প্ৰতিযোগিতাত অংশগ্ৰহণ কৰিব নোৱাৰিলে। ইয়াৰ স্বত্ত্বেও, তেওঁ কমনৱেলথ গেমছত তিনিটা পদক জিকিছিল, যাৰ ভিতৰত দুটা আছিল ব্ৰঞ্জ। ২০২২ চনত, তেওঁ বিশ্ব চেম্পিয়নশ্বিপত ৰূপৰ পদক জিকিছিল। তেওঁ আঘাতৰ বাবে যোৱা বছৰ এছিয়ান গেমছতো খেলিব নোৱাৰিলে।
