মেদাণ্ট হাস্পতালে ইণ্ডিয়ান একাডেমী অৱ পেডিয়াট্ৰিক্স (আইএপি) গুৱাহাটী চহৰ শাখা আৰু আইএপি ইনটেনচিভ কেয়াৰ চেপ্টাৰ, অসমৰ সহযোগত গুৱাহাটীত শিশুৰ জটিল যত্নৰ প্ৰতি সজাগতা সৃষ্টিৰ বাবে এক চিকিৎসা শিক্ষা অব্যাহত ৰখা(চি এম ই) কাৰ্যসূচীৰ আয়োজন কৰে, য’ত শ্বাস-প্ৰশ্বাসজনিত ৰোগৰ ওপৰত অধিক গুৰুত্ব আৰোপ কৰা হয়।
এই অনুষ্ঠানটোৰ নেতৃত্বত আছিল গুৰুগ্ৰামৰ মেদাণ্ট হাস্পতালৰ ডাঃ প্ৰবীন খিলনানী আৰু ডাঃ ৰাজীৱ উত্তম, যিয়ে শেহতীয়াকৈ দেশজুৰি বৰ্ধিত শিশুৰ ভাইৰাছৰ সংক্ৰমণ নিয়ন্ত্ৰণ কৰাৰ প্ৰয়োজনীয়তাৰ ওপৰত গুৰুত্ব আৰোপ কৰিছিল। ডাঃ খিলনানীয়ে জৰুৰীকালীন যত্নৰ এক মৌলিক পদ্ধতি হিচাপে এবিচিডিই পদ্ধতি-শ্বাসনলী, শ্বাস-প্ৰশ্বাস, সঞ্চাৰ, অক্ষমতা আৰু এক্সপজাৰৰ ওপৰত আলোকপাত কৰে। ডাঃ খিলনানীয়ে গুৰুত্ব আৰোপ কৰি কয় যে, শিশুৰ অৱস্থা সম্পৰ্কে এগৰাকী মাতৃ বা যত্নশীল ব্যক্তিৰ অন্তৰ্দৃষ্টিয়ে প্ৰায়ে গুৰুত্বপূৰ্ণ ৰোগ নিৰ্ণয়ৰ সংকেত বহন কৰে বা সহজ কৰি তোলে।
“ভাৰতত ভাইৰেল আৰু এটিপিকেল নিউমোনিয়াৰ শেহতীয়া উত্থান” বিষয়ক পেনেল আলোচনাৰ ওপৰত আলোকপাত কৰি ডাঃ উত্তমে ৫ বছৰৰ তলৰ শিশুৰ মাজত মাইক’প্লাজমা নিউমোনিয়া, আৰএছভি, ইনফ্লুৱেঞ্জাৰ দৰে সংক্ৰমণৰ প্ৰভাৱৰ ওপৰত বিভিন্ন দিশ সদৰি কৰে। ডাঃ উত্তমে ঋতু অনুসৰি ৰোগীৰ বৃদ্ধিৰ কাৰণ বাৰিষাৰ লগত জড়িত শ্বাস-প্ৰশ্বাসজনিত সমস্যা বুলি কয় আৰু অধিক প্ৰতিষেধক আৰু পুষ্টিৰে সকলোকে মোকাবিলা কৰাৰ আহ্বান জনায়।
গুৱাহাটীৰ শিশু চিকিৎসা কেন্দ্ৰ আৰু চিকিৎসালয়সমূহত শ্বাস-প্ৰশ্বাসৰ লক্ষণ থকা কম বয়সীয়া ৰোগীৰ সংখ্যা বৃদ্ধি পোৱাৰ সংবাদ পোৱা গৈছে। স্বাস্থ্যসেৱা প্ৰদানকাৰীসকলে পিতৃ-মাতৃৰ মাজত প্ৰতিৰোধমূলক যত্ন সজাগতাৰ লক্ষণীয় বৃদ্ধিৰ সমান্তৰালভাৱে শিশু-অনুকূল নেবুলাইজাৰ, এণ্টিবায়’টিক আৰু এণ্টিভাইৰেল মজুত কৰি ৰাখিছে। গুৱাহাটীৰ স্বাস্থ্য বিশেষজ্ঞ ডাঃ দেৱজিৎ শৰ্মা, ডাঃ নয়নমণি ডেকা আৰু ডাঃ দিগন্ত বৰ্মনেও আঞ্চলিক প্ৰস্তুতিৰ প্ৰয়োজনীয়তাৰ বিষয়ে বিস্তৃত ব্যাখ্যাৰে আলোচনাত অংশগ্ৰহণ কৰিছিল।
About the Author
