নৰেন্দ্ৰ মোদীয়ে এই শনিবাৰে একেৰাহে তৃতীয়বাৰৰ বাবে ভাৰতৰ প্ৰধানমন্ত্ৰী হিচাপে শপত গ্ৰহণ কৰিবলৈ সাজু হৈছে। নেচনেল ডেম’ক্ৰেটিক এলায়েন্সৰ নেতাসকলৰ এখন বৈঠকত সৰ্বসন্মতিক্ৰমে মোদীক মিত্ৰজোঁটৰ নেতা হিচাপে নিৰ্বাচিত কৰিছে। এই গুৰুত্বপূৰ্ণ শপতগ্ৰহণ অনুষ্ঠানে নৰেন্দ্ৰ মোদীৰ নিৰন্তৰ প্ৰভাৱ আৰু ভোটাৰসকলে দিয়া শক্তিশালী জনাদেশক সূচায়।
ভাৰতৰ ‘চুবুৰীয়া প্ৰথম বা নিবাৰহুড ফাৰ্ষ্ট’ পলিচীক প্ৰতিফলিত কৰি দক্ষিণ এছিয়াৰ শীৰ্ষ নেতাসকলক শপতগ্ৰহণ অনুষ্ঠানলৈ আমন্ত্ৰণ জনোৱা হৈছে। ইতিমধ্যে বাংলাদেশ আৰু শ্ৰীলংকাই অংশগ্ৰহণ নিশ্চিতকৰণ আহিছে। নৰেন্দ্ৰ মোদীক এই নিৰ্বাচনত জয়লাভৰ বাবে অভিনন্দন জনোৱা প্ৰথম বিদেশী নেতাসকলৰ ভিতৰত অন্যতম বাংলাদেশৰ প্ৰধানমন্ত্ৰী শ্বেখ হাছিনাই শুকুৰবাৰে দিল্লীত উপস্থিত হ’ব। হাছিনা আৰু মোদীৰ মাজৰ সম্পৰ্কই দুয়োখন ৰাষ্ট্ৰৰ ঘনিষ্ঠ সম্পৰ্কক উজ্বল কৰি তুলিছে। ইফালে, শ্ৰীলংকাৰ ৰাষ্ট্ৰপতি ৰানিল উইক্ৰেমসিংহেও আমন্ত্ৰণ গ্ৰহণ কৰি নৰেন্দ্ৰ মোদীক অভিনন্দন জ্ঞাপন কৰিছে।
নেপালৰ প্ৰধানমন্ত্ৰী পুষ্প কমল দাহাল ‘প্ৰচণ্ড’, ভূটানৰ প্ৰধানমন্ত্ৰী শ্বেৰিং টবগে আৰু মৰিচাছৰ প্ৰধানমন্ত্ৰী প্ৰবিন্দ জগনৌথকো আমন্ত্ৰণ জনোৱা হৈছে, যিযে শপত গ্ৰহণ অনুষ্ঠানৰ সামগ্ৰিক অন্তৰ্ভুক্তি আৰু আঞ্চলিক সহযোগিতাৰ গুৰুত্ব প্ৰদৰ্শন কৰিছে। ২০১৪ চনত নৰেন্দ্ৰ মোদীৰ শপত গ্ৰহণ অনুষ্ঠানত ছাৰ্ক দেশসমূহৰ নেতাবৃন্দ আৰু ২০১৯ত বিমষ্টেক ৰাষ্ট্ৰসমূহৰ নেতাসকলে অংশগ্ৰহণ কৰিছিল। এইবাৰ দক্ষিণ এছিয়াৰ নেতাসকলৰ উপস্থিতিয়ে আঞ্চলিক সহযোগিতা-ভাতৃত্ববোধ আৰু কূটনৈতিক সম্পৰ্কৰ পৰম্পৰা অব্যাহত ৰাখিছে, যিয়ে ভাৰতৰ চুবুৰীয়া দেশৰ সৈতে সম্পৰ্ক শক্তিশালী কৰাৰ কৌশলগত মনোনিৱেশ আৰু গুৰুত্বক শক্তিশালী কৰিছে।
