জাৱা য়েজদি মটৰচাইকেলে ফ্লিপকাৰ্টৰ সৈতে সহযোগিতাৰ কথা ঘোষণা কৰিছে, যি ভাৰতৰ প্ৰিমিয়াম মটৰচাইকেল বজাৰত এক গুৰুত্বপূৰ্ণ পদক্ষেপ হিচাপে চিহ্নিত হৈছে। এই অংশীদাৰিত্বই জাৱা য়েজদীক ফ্লিপকাৰ্টৰ ই-কমাৰ্চ প্লেটফৰ্মত নিজৰ সামগ্ৰী আগবঢ়োৱা প্ৰথম প্ৰিমিয়াম মটৰচাইকেল নিৰ্মাতা প্ৰতিষ্ঠান হিচাপে এই সুবিধা প্ৰদান কৰিছে, ইয়াৰ জৰিয়তে সমগ্ৰ দেশত উৎসাহী-অনুৰাগীসকলে উচ্চ-স্তৰৰ মটৰচাইকেল ব্যৱহাৰ আৰু ক্ৰয় অধিক-উন্নত কৰাৰ লক্ষ্য হাতত লোৱা হৈছে। এই সহযোগিতা জাৱা য়েজদি মটৰ চাইকেলছৰ ডিজিটেল কৌশলৰ অন্যতম প্ৰধান অংশ, ইয়াক গ্ৰাহকৰ অভিজ্ঞতা উন্নত কৰাৰ বাবে আৰু প্ৰিমিয়াম মটৰ চাইকেল ৰেঞ্জৰ সুলভতা বৃদ্ধিৰ বাবে ডিজাইন কৰা হৈছে। প্ৰায় ৫০০ মিলিয়নতকৈ অধিক ব্যৱহাৰকাৰী থকা ফ্লিপকাৰ্টৰ প্লেটফৰ্ম ব্যৱহাৰ কৰি জাৱা য়েজদি মটৰ চাইকেল অধিক দৰ্শকৰ মাজলৈ যাব বুলি আশা কৰা হৈছে, যাৰ ফলত ভাৰতৰ বিভিন্ন প্ৰান্তৰ মটৰ চাইকেল অনুৰাগীসকলে নিজৰ নিজৰ ৰেঞ্জৰ পাৰফৰ্মেন্স-ক্লাছিক বাইকৰ অন্বেষণ, তুলনা আৰু বাছনি কৰিব পাৰিব।
ক্লাছিক লেজেণ্ডছৰ মুখ্য কাৰ্যবাহী বিষয়া আশিস সিং যোশীয়ে এই সহযোগিতাৰ বিষয়ে নিজৰ অভিমত প্ৰকাশ কৰি কয় যে, : “ফ্লিপকাৰ্টৰ সৈতে আমাৰ সহযোগিতাই প্ৰিমিয়াম মটৰচাইকেল শাখাত এক গুৰুত্বপূৰ্ণ মাইলৰ খুঁটি চিহ্নিত কৰিছে। ফ্লিপকাৰ্টৰ প্লেটফৰ্মত জাৱা আৰু য়েজদি মটৰচাইকেলৰ সুবিধা প্ৰদান কৰি আমি সমগ্ৰ ভাৰতৰ উৎসাহী ব্যক্তিসকলৰ বাবে অন্বেষণ আৰু ক্ৰয়ৰ অভিজ্ঞতা বৃদ্ধি কৰিবলৈ সক্ষম হৈছোঁ।”
এই সহযোগিতাই মটৰ চাইকেল অনুৰাগীসকলক কেইবাটাও সুবিধা প্ৰদান কৰিব, প্ৰিমিয়াম মটৰ চাইকেলৰ ব্যৱহাৰ আৰু ক্ৰয় কৰাটো সহজ কৰিবলৈ সমগ্ৰ দৃশ্যপট সলনি কৰি পেলাইছে, যিবোৰ হৈছে উন্নত অভিগম্যতা, সঠিক সিদ্ধান্ত, আৰ্থিক বিকল্প, খৰচ সঞ্চয় আৰু সুশৃংখলিত ক্ৰয় প্ৰক্ৰিয়া ইত্যাদি। এই পদ্ধতিয়ে ক্ৰয় প্ৰক্ৰিয়া সৰল কৰি তোলে আৰু অধিক গ্ৰাহকৰ বাবে প্ৰিমিয়াম মটৰ চাইকেলৰ সুবিধা প্ৰদান কৰে, যাৰ ফলত অধিক অনুৰাগীয়ে জাৱা বা য়েজডি মটৰ চাইকেলৰ গৰাকী হ’ব পাৰে।
