ভাৰতৰ এক আগশাৰীৰ স্মাৰ্টফোন ব্ৰেণ্ড আইটেলে ১০ হাজাৰ টকাৰ তলৰ দৰৰ উচ্চ মানদণ্ডৰ স্মাৰ্টফোন প্ৰদান কৰি প্ৰযুক্তিক গণতান্ত্ৰিকীকৰণ কৰি তুলিছে৷ আইটেলে ভাৰতৰ ১০ হাজাৰৰ তলৰ আটাইতকৈ সুলভ আৰু শক্তিশালী ৫জি স্মাৰ্টফোন মুকলি কৰাৰ ক্ষেত্ৰত আন এক প্ৰয়াস হাতত লৈছে। যাৰ ফলত ভাৰতীয় গ্ৰাহকসকলে এক সুলভ প্ৰযুক্তি লাভ কৰিছে৷ আইটেল পি৫৫ পাৱাৰ ৫জি স্মাৰ্টফোন শাখাত মুকলি কৰা আন কোনো ব্ৰেণ্ডৰ ফোনৰ বিপৰীতে উদ্যোগটোত এইধৰণৰ ফোন অন্যতম বুলি বিবেচিত হৈছে।
ইয়াক অতি উচ্চাকাংক্ষী মিডিয়াটেক ডিমেনচিটি ৬০৮০ চিপছেটৰ সৈতে সজ্জিত কৰা হৈছে, যিয়ে নিৰৱচ্ছিন্ন আৰু অসাধাৰণ পৰিৱেশন নিশ্চিত কৰে। আইটেল পি৫৫ পাৱাৰ ৫জি স্মাৰ্টফোনত ৫০ মেগাপিক্সেল এআই ডুৱেল কেমেৰা আৰু ৮ মেগাপিক্সেল ফ্ৰণ্ট কেমেৰা, ১২৮ জিবি ষ্ট’ৰেজ, ৬ জিবি ৰেম আৰু ৬ জিবি মেম’ৰিৰ সুবিধা প্ৰদান কৰা হৈছে। ইয়াত 5জি নেটৱৰ্ক সংযোগৰ বাবে এনআৰচিএ প্ৰযুক্তি আছে। এই স্মাৰ্টফোনটোৱে প্ৰিমিয়াম সুবিধাৰ সৈতে ১০ হাজাৰ টকাৰ তলৰ স্মাৰ্টফোন ছেগমেণ্টত আধিপত্য বিস্তাৰ কৰিবলৈ সাজু হৈছে আৰু চাৰি অক্টোবৰৰ পৰা বেংক অফাৰৰ সৈতে ৮,৯৯৯ টকাত এমাজনত একচেটিয়াভাৱে উপলব্ধ হ’ব।
এই সন্দৰ্ভত মন্তব্য কৰি আইটেল ইণ্ডিয়াৰ মুখ্য কাৰ্যবাহী বিষয়াঅৰিজিৎ তালাপাত্ৰাই কয় যে, “ভাৰতে ২০২৪ চনৰ ভিতৰত প্ৰায় ১৫০ মিলিয়ন ৫জি ব্যৱহাৰকাৰীক স্বাগতম জনাব, ইয়ে এক বৃহৎ ডিজিটেল বিপ্লৱৰ সূচনা কৰিছে আৰু আমি ৫জি প্ৰযুক্তিক গণতান্ত্ৰিক কৰি ভাৰতৰ জনসাধাৰণৰ বাবে সুলভ আৰু সুলভ কৰি তুলিবলৈ বদ্ধপৰিকৰ।”
