মাপযোগ্য, দ্ৰুত গাণনিক আন্তঃগাঁথনিৰ বাবে আইবিএমৰ সৈতে অংশীদাৰিত্ব কৰিছে ইণ্ডিয়ান বেংকে

আইবিএম আৰু ইণ্ডিয়ান বেংকে ফ্ৰণ্ট-এণ্ড বেংকিং এপ্লিকেচনৰ আধুনিকীকৰণ আৰু অন্যান্য বেংকিং সমাধানৰ বাবে কামৰ বোজা(ৱৰ্কলোড)ত ব্যৱসায়িক বৃদ্ধি অব্যাহত ৰাখিবলৈ অংশীদাৰীত্ব কৰিছে। এই সহযোগিতাই সুৰক্ষিত গণনা আন্তঃগাঁথনি আৰু নতুন এপ্লিকেচনসমূহ প্ৰয়োগৰ ওপৰত গুৰুত্ব আৰোপ কৰিছে।

ইণ্ডিয়ান বেংক হৈছে ভাৰতৰ অন্যতম আগশাৰীৰ ৰাজহুৱা খণ্ডৰ বেংক। ই সমগ্ৰ দেশৰ লগতে বিদেশতো বিস্তৃত ৫,৭৯৮টা শাখাৰ জৰিয়তে ১০ কোটিৰো অধিক গ্ৰাহকক সেৱা আগবঢ়ায়। তেওঁলোকৰ প্ৰজেক্ট পেৰাডাইজৰ অংশ হিচাপে ইণ্ডিয়ান বেংকে ডাটা চেণ্টাৰ (ডিচি) আৰু ডিজেষ্টাৰ ৰিক’ভাৰী (ডি আৰ) চেণ্টাৰ দুয়োটা ক্ষেত্ৰতে উন্নত ব্যৱস্থাপনা আৰু উপলব্ধতাৰ বাবে ফ্ৰণ্ট ব্ৰাঞ্চ চাৰ্ভাৰসমূহ একত্ৰিত কৰিব বিচাৰিছিল, লগতে চিবিএছ ৱৰ্কলোডসমূহ শেহতীয়া জেনেৰেচনৰ চাৰ্ভাৰ আইবিএম পাৱাৰ®ৰ সহায়ত চলাব বিচাৰিছিল।

আইবিএমে ইণ্ডিয়ান বেংকৰ এআইএক্স ৱৰ্কলোডৰ বাবে গণনা সম্পদসমূহ ব্যৱহাৰৰ বাবে কেপেক্স আৰু অপেক্স মডেলসমূহ সংযুক্ত কৰি এটা হাইব্ৰিড ক্লাউড পদ্ধতিৰ প্ৰস্তাৱ আগবঢ়াইছে। এই আন্তঃগাঁথনি-এক-সেৱা হিচাপে (আইএএএছ) অতিৰিক্ত গণনা আৰু ষ্টোৰেজ, ব্যক্তিগত ক্লাউড বিল্ডিং আৰু ডিচি আৰু ডিআৰত প্ৰচেছৰসমূহৰ এটা পুল প্ৰদান কৰে। এই সেৱা পে-এজ-ইউ-গ্ৰ’ মডেলৰ সমতুল্য। এই বিষয়ে ইণ্ডিয়ান বেংকৰ তথ্যপ্ৰযুক্তি আৰু অংশীদাৰিত্বৰ মুখ্য মহাপ্ৰৱন্ধক দীপক চাৰ্দাই কয় যে, “উন্নত নমনীয়তা, কম ব্যয় আৰু বৰ্ধিত সুৰক্ষাৰ দৰে সুবিধাৰ জৰিয়তে আমি বেংকৰ বাবে এক সক্ৰিয় আৰু সেৱা-মুখী মডেল স্থাপন কৰি এক মূল্য-মুখী সমাধান সৃষ্টি কৰিছোঁ। ”