সূৰ্যকুমাৰ যাদৱৰ অধিনায়কত্বত টীম ইণ্ডিয়াই ৰাজকোটত কাইলৈ ইংলেণ্ডৰ বিৰুদ্ধে তৃতীয়খন টি-২০ খেল খেলিব। ভাৰতীয় দলটোৱে ইয়াৰ বাবে দেওবাৰে নিশা পলমকৈ ৰাজকোটত উপস্থিত হয়, য’ত অনুৰাগীসকলে তেওঁলোকক উষ্ম আদৰণি জনায়। শনিবাৰে চেন্নাইত দ্বিতীয়খন মেচত দুটা উইকেটত জয়লাভ কৰাৰ পিছত ভাৰতে পাঁচখন খেলৰ টি-২০ শৃংখলাত ২-০ত আগবাঢ়ি আছে। ১৬৬ ৰানৰ লক্ষ্য অনুসৰণ কৰি তিলক বাৰ্মাৰ অপৰাজিত ৭৮ ৰানৰ সহায়ত এম এ চিদাম্বৰম ষ্টেডিয়ামত অনুষ্ঠিত এক ৰোমাঞ্চকৰ প্ৰতিযোগিতাত চাৰিটা বল বাকী থকা অৱস্থাত দলটো জয়ী হয়।
সৌৰাষ্ট্ৰ ক্ৰিকেট এছ’চিয়েচন ষ্টেডিয়ামত মঙলবাৰে অনুষ্ঠিত হ’বলগীয়া তৃতীয় টি-২০ খেলৰ পূৰ্বে সোমবাৰে দুয়োটা দলে অনুশীলন কৰে। কলকাতাৰ ইডেন গাৰ্ডেনত অনুষ্ঠিত প্ৰথমখন খেলত ভাৰতে সাত উইকেটত জয়লাভ কৰি শৃংখলাটোৰ এক সুন্দৰ আৰম্ভণি কৰে। তেওঁলোকে চেন্নাইত নিজৰ ফৰ্ম বজাই ৰাখিছিল। ভাৰতীয় ক্ৰিকেট নিয়ন্ত্ৰণ ব’ৰ্ডে (বিচিচিআই) আঘাতপ্ৰাপ্ত নীতিশ কুমাৰ ৰেড্ডী আৰু ৰিংকু সিঙৰ ঠাইত শিৱম দুবে আৰু ৰমনদীপ সিঙক দলত স্থান দিয়ে।২২ জানুৱাৰীত ইংলেণ্ডৰ বিৰুদ্ধে প্ৰথম টি-২০ত ফিল্ডিং কৰোঁতে ৰিংকু সিঙে পিঠিৰ আঘাতৰ সন্মুখীন হৈছিল।
তেওঁৰ অৱস্থা উন্নত হৈছে আৰু বিচিচিআইৰ চিকিৎসা দলৰ দ্বাৰা তেওঁক নিৰীক্ষণ কৰি আছে। চলিত ৫ খন খেলৰ টি-২০ শৃংখলাৰ তৃতীয়খন খেলৰ পৰা তেওঁ বাহিৰ হৈছে। ইংলেণ্ডৰ বিৰুদ্ধে টি-২০ শৃংখলাৰ বাবে ভাৰতীয় দলটোত আছে সূৰ্যকুমাৰ যাদৱ (অধিনায়ক), অক্সাৰ পেটেল (উপ-অধিনায়ক), সঞ্জু চেমচন (উইকেট কীপাৰ), অভিষেক শৰ্মা, তিলক বৰ্মা, হাৰ্দিক পাণ্ডিয়া, ৰিংকু সিং, হৰ্ষিত ৰাণা, মহম্মদ ছামী, বৰুণ চক্ৰৱৰ্তী, ৰবি বিষ্ণোই, ৱাশ্বিংটন সুন্দৰ, ধ্ৰুৱ জুৱেল, শিৱম ডুবে আৰু ৰমনদীপ সিং।
