ভাৰত আৰু বাংলাদেশৰ মাজত সকলো ৰে’ল সেৱা অনিৰ্দিষ্ট কালৰ বাবে স্থগিত ৰখা হৈছে। ৰেল বিভাগে এই কথা প্ৰকাশ কৰিছে। বাংলাদেশৰ অস্থিৰতাৰ মাজতে এই সিদ্ধান্ত লোৱা হৈছে। ৰে’ল মন্ত্ৰালয়ৰ মতে, মৈত্ৰী এক্সপ্ৰেছ, বন্ধন এক্সপ্ৰেছ আৰু মিতালী এক্সপ্ৰেছে এই বছৰৰ জুলাইৰ মাজভাগত ৰে’লকেইখনে অন্তিম ভ্ৰমণ কৰিছিল আৰু তেতিয়াৰ পৰা বাংলাদেশত হোৱা হিংসাত্মক প্ৰতিবাদৰ বাবে বাতিল কৰা হৈছে। মৈত্ৰী এক্সপ্ৰেছ আৰু বন্ধন এক্সপ্ৰেছ দুয়োখন প্ৰথমতে ১৯ জুলাইৰ পৰা ৬ আগষ্ট লৈ বাতিল কৰা হৈছিল, মন্ত্ৰালয়ে কয়।
অৱশ্যে, ৰে’লৱে কয় যে বাংলাদেশৰ বিদ্যমান পৰিস্থিতিৰ বাবে বাতিলকৰণ অনিৰ্দিষ্ট কাললৈ বৃদ্ধি কৰা হৈছে। মিতালী এক্সপ্ৰেছৰ সেৱাও অনিৰ্দিষ্ট কালৰ বাবে স্থগিত ৰখা হৈছে। যাত্ৰীবাহী ৰে’ল সেৱাৰ উপৰিও সকলো মালবাহী সেৱাও স্থগিত ৰখা হৈছে। উল্লেখ্য যে বাংলাদেশৰ প্ৰধানমন্ত্ৰী শ্বেখ হাছিনাই পদৰ পৰা পদত্যাগ কৰিছে আৰু এতিয়া অন্তৱৰ্তীকালীন চৰকাৰে দায়িত্ব গ্ৰহণ কৰিব। কাটিহাৰৰ বিভাগীয় ৰে’ল প্ৰৱন্ধকে (ডিআৰএম) কয়-নিউ জলপাইগুৰি-ঢাকাৰ মাজত চলি থকা মিতালী এক্সপ্ৰেছ খন ২০২৪ চনৰ ১৭ জুলাইত ঢাকালৈ গৈছিল, কিন্তু তাৰ পিছত উভতি অহা নাছিল।
লগতে কয় যে ৰে’লখনত ভাৰতীয় ৰে’লৱেৰ মালিকানাধীন ১০ টা ডবা আছে কিন্তু যিহেতু এই ডবাবোৰ কেৱল সেই নিৰ্দিষ্ট ৰেলখনতহে ব্যৱহাৰ কৰা হৈছিল, আমি কোনো অসুবিধাৰ সন্মুখীন হোৱা নাছিলো। ৰেলখনৰ ইঞ্জিন সীমান্তত সলনি কৰা হৈছিল, সেয়েহে যেতিয়া ই বাংলাদেশত প্ৰৱেশ কৰে, তেওঁলোকে আমাৰ সলনি তেওঁলোকৰ নিজৰ ইঞ্জিন লয় বুলি উল্লেখ কৰে। মৈত্ৰী এক্সপ্ৰেছ ঢাকা আৰু কলকাতাৰ মাজত চলে, আনহাতে বন্ধন এক্সপ্ৰেছ খুলনা আৰু কলকাতাৰ মাজত চলে।
