এজন আইএএছ বিষয়াই পেৰিছ পেৰালিম্পিক ২০২৪ ত পদক জিকিবলৈ সফল হৈছে। এই আইএএছ বিষয়াজন হৈছে ভাৰতীয় বেডমিণ্টন খেলুৱৈ সুহাস এল যথিৰাজ, যি পেৰিছ পেৰালিম্পিকত ৰূপৰ পদক জিকিছে। অৱশ্যে, পেৰিছ পেৰালিম্পিকত সুহাস এল যথিৰাজৰ সোণৰ পদক জয়ৰ সপোন ভংগ হয়। সোমবাৰে বেডমিণ্টনৰ পুৰুষৰ একক এছ এল ৪ ফাইনেলত তেওঁ ফ্ৰান্সৰ অভিজ্ঞ লুকাস মাজুৰৰ হাতত ৯-২১, ১৩-২১ ব্যৱধানত পৰাজিত হয়।
সুহাস এল যথিৰাজে একেৰাহে দ্বিতীয় পেৰালিম্পিকত সোণৰ পদকত জিকাৰ পৰা ব্যৰ্থ হয়। ইয়াৰ পূৰ্বে টকিঅ’ পেৰালিম্পিকত মাজুৰৰ বিৰুদ্ধে স্বৰ্ণ পদকৰ খেলখনত ৪১ বছৰীয়া সুহাসে পৰাজয়ৰ সন্মুখীন হ’ব লগা হৈছিল। ভাৰতীয় পেৰা-বেডমিণ্টন খেলুৱৈ সুহাস এল যথিৰাজ উত্তৰ প্ৰদেশ কেডাৰৰ এজন আইএএছ বিষয়া।
উত্তৰ প্ৰদেশ চৰকাৰৰ যুৱ কল্যাণ আৰু প্ৰতিয় ৰক্ষক দলৰ সচিব আৰু সঞ্চালক প্ৰধান হিচাপে কাম কৰি থকা সুহাস এল যথিৰাজেও গৌতম বুদ্ধ নগৰ আৰু প্ৰয়াগৰাজৰ ডিএম হিচাপে কাৰ্যনিৰ্বাহ কৰিছে। তেওঁৰ জন্ম কৰ্ণাটকৰ শিগোমাত হৈছিল।
