২০২১-২২ বৰ্ষৰ ইণ্ডিয়ান ছুপাৰ লীগ চেম্পিয়ন হায়দৰাবাদ এফ চিয়ে মঙলবাৰে এনইআৰঅ’চিএ এফ চি (NEROCA FC) ৰ বিৰুদ্ধে ৩-০ গ’লৰ ব্যৱধানত জয়লাভ কৰাৰ পিছত ডুৰাণ্ড কাপৰ ১৩১ তম সংস্কৰণত কোৱাৰ্টাৰ ফাইনেলৰ বাবে যোগ্যতা অৰ্জন কৰে। তেওঁলোকৰ ক্ৰমাগত তৃতীয় জয়ৰ সময়ত, হায়দৰাবাদ এফ চিয়ে প্ৰথমবাৰৰ বাবে ইম্ফলত মঞ্চস্থ হৈ থকা ঐতিহাসিক প্ৰতিযোগিতাখনৰ আয়োজকসকলৰ প্ৰতি কৃতজ্ঞতা জ্ঞাপন কৰে।
এতিয়ালৈকে প্ৰতিযোগিতাখনত এক চমৎকাৰ অভিজ্ঞতা লাভ কৰাৰ পিছত আইএছএল চেম্পিয়ন সকলক চাবলৈ খুমান লেম্পক ষ্টেডিয়ামত ভিৰ কৰা মণিপুৰৰ মাননীয় মুখ্যমন্ত্ৰী এন. বীৰেন সিঙৰ লগতে ভাৰতীয় সশস্ত্ৰ বাহিনীক প্ৰতিনিধিত্ব কৰা মেজৰ জেনেৰেল নবীন সচদেৱ, এছ.এম. (জি.অ’.চি., ৰেড শ্বিল্ড)ক কৃতজ্ঞতা জ্ঞাপন কৰে হায়দৰাবাদ এফ চিয়ে।
অনুষ্ঠানটোত ভাষণ প্ৰদান কৰি হায়দৰাবাদ এফ চিৰ সহ-প্ৰমুখ শ্ৰীযুত বৰুণ ত্ৰিপুৰানেনিয়ে কয়, “হায়দৰাবাদ এফ চিৰ সকলোৱে আশা কৰে যে আমি মণিপুৰৰ প্ৰতিজন অনুৰাগীক আমাৰ ফুটবলেৰে মনোৰঞ্জন দিয়া আৰু আমাৰ অন্তৰৰ তৰফৰ পৰা বিমানবন্দৰ, হোটেল, একাডেমী, টাৰ্ফ আৰু ষ্টেডিয়ামত আমাক লগ কৰিবলৈ অহা প্ৰতিজন ব্যক্তিক ধন্যবাদ জনাইছো।”
