গাল্ফ অইল লুব্ৰিকেণ্টচ ইণ্ডিয়া লিমিটেড আৰু ইণ্ডিয়ান বাইক সপ্তাহ ২০২৩-এ এছিয়াৰ প্ৰিমিয়াৰ মটৰ চাইক্লিং ফেষ্টিভেল ইণ্ডিয়া বাইক সপ্তাহৰ ভিতৰত উদযাপন কৰা অন্যতম প্ৰিয় পৰম্পৰা “চাহ-পকোড়া” যাত্ৰা গুৱাহাটীত আয়োজন কৰে। দিল্লীত দশম সংস্কৰণ আৰম্ভ হোৱা এই অনুষ্ঠানটোৱে ৰাইডাৰ আৰু উৎসাহীসকলৰ বাবে একেধৰণে এক ৰোমাঞ্চকৰ অভিজ্ঞতাৰ প্ৰতিশ্ৰুতি দিছে।
গুৱাহাটীত চাই-পকোড়া ব্ৰেকফাষ্ট ৰাইডে বিভিন্ন পৃষ্ঠভূমি আৰু মটৰচাইকেলৰ আৰোহীসকলক আকৰ্ষিত কৰিছিল, যিসকলে সোনাপুৰৰ ৰামেচনিয়া – দ্য ভিলেজলৈ ২২ কিলোমিটাৰ যাত্ৰা আৰম্ভ কৰিছিল। গোটেই অনুষ্ঠানটোত সুৰক্ষাই সৰ্বোচ্চ আছিল, লগতে সকলো পঞ্জীয়নভুক্ত বাইক আৰোহীৰ বাবে বাধ্যতামূলক আছিল সুৰক্ষা ৰাইডিং ছেচন। আই বি ডব্লিউ মাৰ্শ্বালসকলে বাইক ৰাইডাৰৰ দলটোৰ নেতৃত্ব দিছিল, যাৰ ফলত এক সমন্বিত আৰু নিৰাপদ যাত্ৰা নিশ্চিত হৈছিল। অংশগ্ৰহণকাৰীসকলে পুছ-আপ আৰু বাৰ্পি চেলেঞ্জৰ দৰে আকৰ্ষণীয় কাৰ্যসূচীতো অংশগ্ৰহণ কৰিছিল। ইণ্ডিয়া বাইক সপ্তাহৰ দশম সংস্কৰণে ভাৰতত মট ৰচাইকেল সংস্কৃতিৰ যাত্ৰাত এক গুৰুত্বপূৰ্ণ মাইলৰ খুঁটি হিচাপে চিহ্নিত হৈছে, যাৰ দ্বাৰা চালকসকলক ভাৰতৰ মনোৰম দৃশ্যবোৰ অন্বেষণ কৰাৰ লগতে ভাৰতীয় চাহ আৰু পকোৰাৰ সোৱাদ লোৱাৰ সুযোগ প্ৰদান কৰে।
এই ৰাইডৰ বিষয়ে উত্সাহেৰে প্ৰকাশ কৰি গাল্ফ অইল লুব্ৰিকেণ্টছ ইণ্ডিয়া লিমিটেডৰ মাৰ্কেটিঙৰ মুৰব্বী অমিত ঘেজীয়ে কয় যে, “এই ৰাইডসমূহে মটৰ চাইকেল চলোৱা সম্প্ৰদায়ৰ মনোভাৱক মূৰ্ত কৰি তুলিছে, সতীৰ্থতা আৰু মুকলি ৰাজপথৰ প্ৰতি ভালপোৱাক পোষকতা কৰিছে। আমি ৰাইডাৰসকলক অনুপ্ৰাণিত আৰু সমৰ্থন কৰাৰ লক্ষ্য ৰাখিছোঁ, যাতে বাইকৰ প্ৰতি থকা আবেগক উদযাপন কৰাৰ লগতে তেওঁলোকৰ এক নিৰাপদ আৰু উপভোগ্য যাত্ৰা নিশ্চিত হয়।”
