দক্ষিণ ভাৰতৰ আগশাৰীৰ দুগ্ধ ব্ৰেণ্ড গড্ৰেজ জাৰ্চিয়ে অন্ধ্ৰ প্ৰদেশ আৰু তেলেংগানাৰ মূল্য সংযোজিত পৰ্টফলিঅ’ৰ জৰিয়তে ১০০০ কোটি টকাৰ ৰাজহ সংগ্ৰহৰ লক্ষ্যৰে বিত্তীয় বৰ্ষ ২৬ৰ বাবে নিজৰ অভিলাষী ৩x৩ লিপফ্ৰগ কৌশল প্ৰকাশ কৰিছে। এই পদক্ষেপে তিনিটা মূল সামগ্ৰী—বাদাম মিল্ক(গাখীৰ), পানীৰ আৰু কাৰ্ড(দৈ)—ৰ ওপৰত গুৰুত্ব আৰোপ কৰাৰ লগতে ঘৰুৱা ব্যৱহাৰ, বজাৰ সম্প্ৰসাৰণ আৰু পণ্য উদ্ভাৱনক আগুৱাই নিব।
গড্ৰেজ জাৰ্চিৰ মুখ্য কাৰ্যবাহী বিষয়া ভূপেন্দ্র ছুৰিয়ে এই বিষয়ে সদৰি কৰি কয় যে, “৩x৩ লিপফ্ৰগ ষ্ট্ৰেটেজীয়ে বজাৰ সম্প্ৰসাৰণ ত্বৰান্বিত কৰিব, গ্ৰাহকৰ বাবে অফাৰসমূহ বৃদ্ধি কৰিব আৰু উদ্ভাৱন তথা লক্ষ্যযুক্ত অংশীদাৰিত্বৰ জৰিয়তে বহনক্ষম বিকাশ সাধন কৰিব।” ব্ৰেণ্ডটোৱে বৰ্ধিত গৱেষণা আৰু উন্নয়ন ব্যয় আৰু হাই-প্ৰফাইল চেলিব্ৰিটিক জড়িত কৰি নিজৰ উপস্থিতি শক্তিশালী কৰিবলৈ সাজু হৈছে, যাৰ ভিতৰত আছে বাদাম মিল্কৰ বাবে অভিনেতা ৰাণা ডাগ্গুবটি আৰু পনিৰৰ বাবে বিস্মই ফুডছৰ চেফ তেজাৰ সৈতে সহযোগিতা কৰিছে।
দক্ষিণ ভাৰতত এক শক্তিশালী পদচিহ্নৰ লগতে গড্ৰেজ জাৰ্চিৰ সম্প্ৰসাৰণ ৰণনীতিয়ে গুৱাহাটীৰ দুগ্ধ বজাৰকো প্ৰভাৱিত কৰিব পাৰে। উত্তৰ-পূৰ্বাঞ্চলত প্ৰিমিয়াম দুগ্ধজাত সামগ্ৰীৰ বৰ্ধিত চাহিদাই ব্ৰেণ্ডটোৰ বাবে নগৰীয়া খুচুৰা শৃংখলা আৰু দ্ৰুত-বাণিজ্য প্লেটফৰ্মত সাম্ভাব্য প্ৰৱেশ পথ অন্বেষণ কৰাৰ সুযোগ প্ৰদান কৰিছে। কোম্পানীটোৱে বিতৰণৰ ক্ষেত্ৰতো যথেষ্ট বিনিয়োগ কৰিছে, অহা বছৰৰ ভিতৰত তেলেংগানাৰ ২০,০০০ আউটলেটত উপনীত হোৱাৰ লক্ষ্য ৰাখিছে, আনহাতে গড্ৰেজ জাৰ্চি বাডাম মিল্কক দুবছৰৰ ভিতৰত ১০০ কোটি টকাৰ ব্ৰেণ্ড হিচাপে পৰিগণিত হোৱাৰ আশা কৰা হৈছে। প্ৰিমিয়াম গুণগত মান আৰু প্ৰামাণ্যতাৰ ওপৰত গুৰুত্ব আৰোপ কৰি গড্ৰেজ জাৰ্চিয়ে নিজকে বিকশিত দুগ্ধ খণ্ডত এক প্ৰভাৱশালী শক্তি হিচাপে স্থান প্ৰদান কৰিছে।
