শীতকাল অহাৰ লগে লগে অসমৰ মীনপালকসকলে উৎপাদনশীলতাৰ প্ৰতি ভাবুকি কঢ়িয়াই আনিব পৰা বিভিন্ন প্ৰত্যাহ্বানৰ সন্মুখীন হ’বলগীয়া হৈছে, য’ত মাছৰ হজম শক্তি লেহেমীয়া আৰু পুষ্টিকৰ পদাৰ্থ শোষণ হ্ৰাস হোৱা দেখা যায়। গড্ৰেজ এগ্ৰ’ভেট লিমিটেডে এই প্ৰত্যাহ্বানসমূহৰ সৈতে জোৰা মাৰিবলৈ আৰু ঠাণ্ডা দিনবোৰত সফলতা লাভ কৰিবলৈ প্ৰয়োজনীয় সঁজুলি আৰু জ্ঞানেৰে কৃষকসকলক সৱলীকৰণৰ বাবে ডিজাইন কৰা এক বিস্তৃত শীতকালীন কৌশল ৰূপায়ণ কৰিছে।
গড্ৰেজ এগ্ৰ’ভেটৰ একুৱাফিড ব্যৱসায়ৰ চিইঅ’ ধ্ৰুৱজ্যোতি বেনাৰ্জীয়ে এই পদক্ষেপৰ প্ৰয়োজনীয়তাৰ ওপৰত আলোকপাত কৰি কয় যে, “ডিজিটেল প্লেটফৰ্ম আৰু সম্প্ৰদায়-চালিত পদক্ষেপৰ সুবিধা লৈ আমি এক ব্যাপক পৰিৱেশ তন্ত্ৰ সৃষ্টিৰ প্ৰয়াস কৰিছোঁ, যিয়ে কৃষকসকলক আটাইতকৈ প্ৰত্যাহ্বানপূৰ্ণ ঋতুগত সীমাবদ্ধতাবোৰ নেভিগেট কৰিবলৈ শক্তিশালী কৰি তোলে।”
এই ৰণকৌশলত অন্তৰ্ভুক্ত আছে মৎস্যমাৰ্গদৰ্শন ডিজিটেল অভিযান, ইনষ্টাগ্ৰাম, হোৱাটছএপ আৰু ফেচবুকৰ জৰিয়তে বিশেষজ্ঞৰ পৰামৰ্শ প্ৰদান আৰু একুৱা মিত্ৰ শৃংখলা, যিয়ে সম্প্ৰদায়ৰ শিক্ষাক উৎসাহিত কৰে। ইয়াৰ লগতে গড্ৰেজ একুৱা ইনচাইডাৰে মীন পালনত বহনক্ষমতা আৰু মহিলাৰ সৱলীকৰণৰ ওপৰত গুৰুত্ব আৰোপ কৰে। অঞ্চলটোৰ কৃষকসকলে শীতকালীন উৎপাদনশীলতা বৃদ্ধি কৰিবলৈ এই ডিজিটেল সমাধান আৰু বিশেষজ্ঞ সমৰ্থিত পদ্ধতিবোৰ গ্ৰহণ কৰিবলৈ আগ্ৰহী। সম্পদৰ বৰ্ধিত প্ৰৱেশাধিকাৰ আৰু ব্যৱহাৰৰ মাজেদি নিজৰ কাৰ্য-কলাপত উন্নত দক্ষতা আৰু বহনক্ষম বিকাশৰ আশা কৰিছে।
