বকো – বাগদেৱী সৰস্বতী পূজাৰ দিনাই কামৰূপ জিলাৰ বকোত শ্মশান উন্নয়ণৰ সাহাৰ্য্যৰ্থে আয়োজন কৰা হৈছে উপহাৰ কুপনৰ খেল। পবিত্ৰ শ্মশান উন্নয়ণৰ বাবে আয়োজন কৰা উপহাৰ কুপন খেলখন সুচাৰুৰূপে পৰিচালনা কৰিবলৈ আজি আনুষ্ঠানিক ভাৱে বকো বজাৰৰ মা চণ্ডিকা মাৰ্কেটত মুকলি কৰে অস্থায়ী কাৰ্য্যালয় আৰু কুপন।
বকোত আয়োজন কৰা উপহাৰ কুপন খেল পৰিচালনা সমিতিৰ সভাপতি ৰিদিপ ডেকা আৰু সম্পাদক সঞ্জীৱ সৰকাৰে জনোৱা মতে পবিত্ৰ শ্মশান উন্নয়ণৰ বাবে আয়োজন কৰা উপহাৰ কুপনৰ খেলত জি চি পি ; ডাম্পাৰ ; ষ্টাৰ বাছ ; থাৰ ; টেক্টৰ ; বেলেনো ; স্কোৰপিও ; টয়োটা গ্লেনজা ; টাটা টায়েগো ; টাটা পাঞ্চ ; বলেৰো ; মাৰুতি ছুইফ ; টাটা নেক্সন ই ভি ; জিমণি ; ৱাগানাৰ ; এল্টো ; স্কুটি সহ বহু নামি দামী গাড়ী প্ৰদান কৰা হ’ব।
আনুস্থানিক ভাৱে কাৰ্য্যালয় মুকলি কৰে ৰাভা হাছং স্বায়ত্ব শাসিত পৰিষদৰ কাৰ্য্যবাহী পাৰিষদ সুমিত ৰাভাই আৰু কুপন মুকলি কৰে পৰিষদৰ সাধাৰণ পাৰিষদ অৰ্জূন চেত্ৰীয়ে। উল্লেখ্য যে ; নাৰেঙ্গাৰ ভাংৰা গোহাঁই আশ্ৰীত ৰাইজৰ সভাপতি চবিন কৈৱৰ্তই আত ধৰা অনুস্থানত বকোৰ বিশিষ্ট সমাজকৰ্মী অচ্যুত সাহা ; শিৱ চৰণ ৰাভা ; পৰেশ তালুকদাৰ ; যুৱ কৰ্মী সঞ্জয় চৌধুৰী ; উমেশ চন্দ্ৰ ৰাভাকে ধৰি বহু বিশিষ্ট শুভাকাংশীৰ উপৰিও উপহাৰ কুপন আয়োজক সমিতিৰ বিষয় ববীয়া সকলে সহযোগ আগবঢ়াই।
