ৰাজ্যৰ গৌৰৱ যাদৱ পায়েঙৰ সপোনৰ আন এক প্ৰকল্পত কোনো অচিনাক্ত দুৰ্বৃত্তই অগ্নিসংযোগ কৰা ঘটনাই এতিয়া তীব্ৰ চাঞ্চল্যৰ সৃষ্টি কৰিছে। ব্ৰহ্মপুত্ৰৰ বুকুত নতুনকৈ গঢ়ি তোলা ‘মূলাই কাঠনি ২.০’ত সংঘটিত এই নাৰকীয় কাণ্ডই প্ৰকৃতিপ্ৰেমীসকলক মৰ্মাহত কৰি তুলিছে। দেওবাৰে দুপৰীয়াৰ ভাগত ব্ৰহ্মপুত্ৰৰ এটা চাপৰিত নতুনকৈ গঢ়ি তোলা ‘মূলাই কাঠনি ২.০’ত হঠাতে অগ্নিকাণ্ডৰ সূত্ৰপাত ঘটে। কোনো দুৰ্বৃত্তই এই কাঠনিখনত অগ্নিসংযোগ কৰাৰ ফলত মুহূৰ্তৰ ভিতৰতে জুই বিয়পি পৰে।বৰ্তমানলৈকে এই অগ্নিসংযোগৰ প্ৰকৃত কাৰণ বা ইয়াৰ আঁৰত কোন জড়িত আছে, সেই বিষয়ে কোনো তথ্য লাভ কৰা হোৱা নাই। কোনো দুষ্কৃতিকাৰীয়ে পৰিকল্পিতভাৱে এই কাণ্ড সংঘটিত কৰিছে নেকি, তাক লৈও সন্দেহ প্ৰকাশ পাইছে।
About the Author
