দেশৰ সৰ্ববৃহৎ উপভোক্তা ইলেক্ট্ৰনিক্স ব্ৰেণ্ড চেমচাঙে এআইৰ দ্বাৰা চালিত বেচপক এপ্লায়েন্স মুকলি কৰিছে, যি সঁজুলিয়ে সংযোজিত আৰু বহনক্ষম ঘৰৰ ভৱিষ্যদৰ্শী দিশ আৰু সুবিধাসমূহ প্ৰদৰ্শন কৰিছে। এআইৰ দ্বাৰা চালিত ঘৰুৱা সঁজুলিৰ সৈতে চেমচাঙে দ্ৰুত গতিত বৰ্ধিত প্ৰিমিয়াম সঁজুলিৰ বজাৰত গ্ৰাহকৰ প্ৰত্যাশা অতিক্ৰম কৰাৰ লক্ষ্য ৰাখিছে।
চেমচাঙৰ বেচপক এআই চিপৰ বৈশিষ্ট্যযুক্ত শেহতীয়া সঁজুলিসমূহে স্মাৰ্ট থিংছ এপ্লিকেচনৰ জৰিয়তে প্ৰৱেশযোগ্য বাধাহীন গতিৰে নিৰৱচ্ছিন্ন ঘৰুৱা ব্যৱস্থাপনাৰ বাবে ৱাই-ফাই, ইণ্টাৰনেল কেমেৰা আৰু এআই চিপসমূহ একত্ৰিত কৰিছে। এআইয়ে স্মাৰ্টথিংছ এপৰ জৰিয়তে ব্যৱহাৰকাৰীসকলক পানীৰ ফিল্টাৰ সলনি কৰা বা এয়াৰ কণ্ডিচনাৰ ফিল্টাৰ সলনি কৰাৰ বিষয়ে অৱগত কৰি সঁজুলিবিধাৰ দীৰ্ঘায়ু বা সময়সীমা আৰু বহনক্ষমতা বৃদ্ধি কৰে। এআই প্ৰয়োগৰ লগে লগে চেমচাঙে এই সঁজুলিসমূহ পৰিচালনা কৰিবলৈ প্ৰয়োজন হোৱা সময় কম কৰাৰ লক্ষ্য ৰাখিছে। এই বিষয়ে চেমচাং চাউথৱেষ্ট এছিয়াৰ অধ্যক্ষ আৰু মুখ্য কাৰ্যবাহী বিষয়া জে বি পাৰ্কে কয় যে, “এআইৰ পৰিৱৰ্তনশীল শক্তিৰে বেচপক এআইয়ে ভাৰতৰ ডিজিটেল সঁজুলিৰ বজাৰত আমাৰ নেতৃত্ব শক্তিশালী কৰিব বুলি আমি নিশ্চিত।”
জিঅ’ ৱৰ্ল্ড প্লাজাৰ চেমচাং বিকেচিত অনুষ্ঠিত হৈছিল ‘বেচপক এআই’ ইভেণ্ট। চেমচাঙে ভাৰতত এআই-চালিত বেচপক সঁজুলি প্ৰৱৰ্তন কৰিছে, যাৰ ভিতৰত আছে ৰেফ্ৰিজাৰেটৰ, এয়াৰ কণ্ডিচনাৰ, মাইক্ৰ’ৱেভ আৰু ৱাশ্বিং মেচিন। এআই প্ৰযুক্তিয়ে সংযোগ বৃদ্ধি কৰি গ্ৰাহকসকলৰ ঘৰুৱা কামত ব্যয় কৰা সময় আৰু শক্তি হ্ৰাস কৰি স্মাৰ্ট হোম অভিজ্ঞতাৰ ক্ষেত্ৰত এক নতুন বিপ্লৱ আনিছে।
