আন্তঃৰাষ্ট্ৰীয় নাৰী দিৱস উপলক্ষে সমগ্ৰ অসমৰ নাৰীৰ পৰূপান্তৰকৰ্তাসকলক স্বীকৃতি আৰু সবলীকৰণৰ লক্ষ্যৰে আইটিচি ছানৰাইজ স্পাইচেছে উদয়িনী নামৰ ইতিবাচক পদক্ষেপ হাতত লৈছে । ৰেড এফ এম ৯৩.৫ৰ সহযোগত আয়োজিত এই মঞ্চখনত ৰাজ্যৰ বিভিন্ন জিলাৰ ১৫ গৰাকী সফল মহিলাক সম্বৰ্ধনা জনোৱা হয়, যিসকলৰ উদ্যমিতা আৰু সামাজিক অৱদানে চৌপাশৰ সম্প্ৰদায়ক যথেষ্ট প্ৰভাৱিত কৰিছে।
এই পদক্ষেপে গুৱাহাটীৰ আমবাৰীৰ হস্ততাঁত আৰু বস্ত্ৰশিল্পৰ সঞ্চালক ময়ূৰী ওজা, অসম উদ্যোগ ভৱনৰ উদ্যোগ আৰু বাণিজ্য আয়ুক্তৰ যুটীয়া সঞ্চালক মঞ্জু ৰাণী গগৈ তালুকদাৰ; উত্তৰ-পূব হস্তশিল্প আৰু হস্ততাঁত উন্নয়ন নিগম লিমিটেড (এনইএইচএইচডিচি)ৰ পৰিচালন সঞ্চালক মাৰা কোচো; অসম চৰকাৰৰ উদ্ভাৱন, ইনকিউবেচন আৰু ষ্টাৰ্টআপ বিভাগৰ চিঅ’অ’ ওমকাৰনাথ ৰথ; আৰু ব্যুৰো অৱ ইণ্ডিয়ান ষ্টেণ্ডাৰ্ডছ, গুৱাহাটীৰ মুৰব্বী তথা সঞ্চালক শৌৱিক চন্দাকে ধৰি মূল প্ৰতিষ্ঠানিক অংশীদাৰ আৰু চৰকাৰী প্ৰতিনিধিসকলক একত্ৰিত কৰিছিল। বিশিষ্ট ব্যক্তিৰ অংশগ্ৰহণে তৃণমূল পৰ্যায়ৰ উদ্যমিতা শক্তিশালী কৰাৰ ক্ষেত্ৰত পৰিৱেশ তন্ত্ৰৰ অংশীদাৰিত্বৰ প্ৰয়োজনীয়তাৰ ওপৰত আলোকপাত কৰে। বঁটা বিজয়ীসকলৰ ভিতৰত পিছপৰা-অসুবিধাগ্ৰস্ত শিশুসকলক শিক্ষা প্ৰদান কৰা আৰু স্কুল এৰা ছোৱালীক ঊণ গুঠা আৰু চিলাইৰ প্ৰশিক্ষণ দিয়া অৱসৰপ্ৰাপ্ত শিক্ষয়িত্ৰী ডালিমি দেৱী; উত্তৰ-পূবৰ জনজাতীয় খাদ্যৰ প্ৰচাৰৰ বাবে দুটাকৈ অফিচ কেণ্টিন চলোৱা বেলতলাৰ চেফ দেবযানী ভূঞা; সাংবাদিক দৰ্শনা বৰুৱা; আৰু অনুৰূপ ষ্টুডিঅ’ৰ প্ৰতিষ্ঠাপক উদ্যোগী অনুষ্কা দাস অন্যতম।
আইটিচি লিমিটেডৰ ছানৰাইজ স্পাইচেছৰ ব্যৱসায়িক মুৰব্বী পীয়ুষ মিশ্ৰই অনুষ্ঠানত ভাষণ দি কয় যে, এই ব্ৰেণ্ডটোৱে মহিলা উদ্যোগী আৰু সম্প্ৰদায়ৰ নেতাসকলক স্বীকৃতি আৰু বৃদ্ধিৰ পথ প্ৰদান কৰি পৰিয়ালৰ বাহিৰেও নিজৰ প্ৰভাৱ সম্প্ৰসাৰণ কৰাৰ লক্ষ্য লৈছে। এনইএইচএইচডিচি আৰু উদ্ভাৱন, ইনকিউবেচন আৰু ষ্টাৰ্টআপ বিভাগৰ প্ৰতিনিধিয়ে উল্লেখ কৰে যে, উদয়িনীৰ দৰে প্লেটফৰ্মে প্ৰতিষ্ঠানিক দৃশ্যমানতা প্ৰদান কৰাত সহায় কৰে আৰু তৃণমূল পৰ্যায়ৰ উদ্যমিতাক শক্তিশালী কৰে। গুৱাহাটীত এনে পদক্ষেপে অঞ্চলটোৰ মহিলা নেতৃত্বাধীন ক্ষুদ্ৰ আৰু লঘু উদ্যোগসমূহৰ বৃদ্ধি ত্বৰান্বিত কৰাত সহায় কৰিব পাৰে। উত্তৰ-পূবৰ এক মূল বাণিজ্যিক কেন্দ্ৰ হিচাপে মহানগৰখনে আত্মপ্ৰকাশ সমান্তৰালভাৱে তৃণমূল পৰ্যায়ৰ উদ্যোগীসকলৰ বাবে শক্তিশালী প্ৰতিষ্ঠানিক সংযোগ, দৃশ্যমানতা আৰু স্বীকৃতিয়ে স্থানীয় মহিলা নেতৃত্বাধীন উদ্যোগসমূহৰ বাবে বজাৰত উন্নত প্ৰৱেশ, সহযোগিতা আৰু ব্যৱসায়িক সুযোগলৈ ৰূপান্তৰিত হ’ব পাৰে।
About the Author
