ম্যানমাৰৰ বৰ ভূইঁকপঁত মৃত্যু হোৱা লোকৰ সংখ্যা বৃদ্ধি হৈয়ে আছে। দেওবাৰৰ পুৱা ভাগলৈকে উদ্ধাৰকাৰী দলে উদ্ধাৰ কৰিছে ১৬৪৪গৰাকী লোকৰ মৃতদেহ। আনফালে প্ৰশাসনে সদৰি কৰা তথ্য অনুসৰি, ৩,৪০৮গৰাকী লোকৰ আহত হৈছে। উল্লেখ্য যে, শুকুৰবাৰে অগাপিছাকৈ অহা কেইবাটাও ভূমিকম্পত তচনচ হৈছিল ম্যানমাৰৰ লগতে থাইলেণ্ড।প্ৰবল ভূমিকম্পই থাইলেণ্ডৰ ৰাজধানী বেংককত ব্যাপক বিধ্বংসী ৰূপ ধাৰণ কৰিছে। চকুৰ সন্মুখতে তাচপাতৰ দৰে খহি পৰিল নিৰ্মীয়মান অট্টালিকা। ম্যানমাৰতো ভূমিকম্পৰ ফলত ব্যাপক ক্ষতিসাধন হৈছে। হাজাৰ হাজাৰ লোকৰ মৃত্যুৰ আশংকা। বেংককৰ মেট্ৰ’ আৰু উচ্চ অট্টালিকাসমূহো ক্ষতিগ্ৰস্ত হৈছে।এইখিনিতে এটা কথা উল্লেখ কৰিব লাগিব যে, ম্যানমাৰত এতিয়াও অনূভূত হৈ আছে কম প্ৰাৱল্যৰ ভূমিকম্প। বিগত ৪৮ঘন্টাত কুৰিৰো অধিক সৰু সৰু ভূমিকম্পই সঘনাই জোঁকাৰি আছে ম্যানমাৰক। ইতিমধ্যে ম্যানমাৰ আৰু থাইলেণ্ডক সহায় কৰিছে বিশ্বৰ বহুকেইখন দেশে।
