দেশৰ ৰাজধানী দিল্লীত বায়ু প্ৰদূষণ বিৰাট সমস্যাৰ ৰূপ লৈছে, য’ত আকাশত ধোঁৱাৰ কুঁৱলী শীতৰ আগমনৰ লগে লগে বৃদ্ধি পায়। সোমবাৰৰ পুৱা দিল্লীৰ AQI ৩৬৬ হৈ পৰিণত হয়, যিটো ‘অতিশয় পুতৌজনক’ শ্ৰেণীত অন্তৰ্ভুক্ত। নাৰেলা আৰু আনন্দ বিহাৰ জিলা সমূহত এই প্ৰদূষণ সৰ্বাধিক ৪০০ অতিক্ৰম কৰি ‘ভয়াৱহ’ পৰ্যায়ত উপনীত হয়, যাৰ ফলত লোকসকলৰ স্বাস্হ্যত বিপদজনক প্ৰভাৱ পৰিছে।
দৃশ্যমানতা হ্ৰাসৰ ফলত ইন্দিৰা গান্ধী আন্তঃৰাষ্ট্ৰীয় বিমানবন্দৰত বিমান চলাচলত সমস্যা হৈছে, য’ত ১৫০ খনৰ অধিক বিমানৰ উৰণত পলম হৈছে আৰু দেওবাৰত প্ৰায় ১০০ খন বিমান বাতিল হৈছে, যাৰ বাবে যাত্ৰীসকলে চরম দুৰ্ভোগৰ সন্মুখীন হৈছে। বতৰ বিজ্ঞান কেন্দ্ৰৰ মতে, আগন্তুক দিনত দিল্লীত মধ্যমীয়া কুঁৱলী অব্যাহত থাকিব আৰু সৰ্বনিম্ন তাপমাত্ৰা ৯ ডিগ্ৰী চেলচিয়াছৰ আশে-পাশে থাকিব। যদিও গ্ৰেপ (GRAP) নিৰ্দেশাৱলীৰ অধীনত কিছু বাধা-নিষেধ আৰোপ কৰা হৈছে, তথাপি দিল্লীবাসী এক অস্বস্তিকৰ পৰিস্থিতিত আছেন। প্ৰদূষণ নিয়ন্ত্রণৰ বাবে ৰাস্তাত মাস্ক পৰিধান কৰা লোকৰ সংখ্যা বৃদ্ধিপাইছে।
About the Author
