ডিজিটেল ডেস্কঃ ছত্তীশগড়ৰ ৰাজধানী ৰায়পুৰত চিআৰপিএফ জোৱানৰ ৰে’লবিস্ফোৰণ। শনিবাৰে ৰাতিপুৱা সংঘটিত ঘটনাটোত কমেও ছয়জন জোৱান আহত হয়। তেওঁলোকৰ এজনৰ অৱস্থা সংকটজনক বুলি জানিব পৰা গৈছে।
জানিব পৰা মতে পুৱা প্ৰায় ৬.৩০ বজাত ৰায়পুৰ ৰে’ল ষ্টেচনৰ ২নং প্লেটফৰ্মত থিয় হৈ থকা জোৱানসকলে ৰে’লখনৰ পৰা হঠাতে বিস্ফোৰণৰ শব্দ শুনা পায়। ঘটনাটোৱে যথেষ্ট প্ৰতিক্ৰিয়াৰ সৃষ্টি কৰে।
চিআৰপিএফৰ সূত্ৰঅনুসৰি, ৰেলৰ ডবাত সামগ্ৰীবোৰ ৰাখি থাকোতে কাটুৰ্জ (ইগনাইটাৰ ছেট) ভৰ্তি এটা বাকচ মজিয়াত বিস্ফোৰণ হোৱাৰ ফলত বিস্ফোৰণটো সংঘটিত হয়। ৰায়পুৰ ৰেলৱেৰ পিআইঅ’ শিৱ প্ৰসাদে বিস্ফোৰণৰ খবৰটো নিশ্চিত কৰিছে। তেওঁ কয় যে বাথৰুমৰ ওচৰত ৰখা ডিটোনেটৰ বাকচটো ৰেলৰ সামগ্ৰী উঠোৱাৰ সময়ত বিস্ফোৰণ ঘটে যাৰ ফলত ৬ গৰাকীকৈ জোৱান আহত হয়।
