ভাৰতৰ প্ৰধান টায়াৰ নিৰ্মাতা প্ৰতিষ্ঠান চিয়েটে সমগ্ৰ বিশ্বতে ক্ৰিকেটৰ জনপ্ৰিয়তাক উদযাপন কৰি চিয়েট ক্ৰিকেট ৰেটিং (চিচিআৰ) বঁটা প্ৰদান অনুষ্ঠানৰ ২৬ সংখ্যক সংস্কৰণৰ সুকলমে আয়োজন কৰে। মুম্বাইত অনুষ্ঠিত এক বৰ্ণিল অনুষ্ঠানত ক্ৰিকেট কিংবদন্তি আৰু অনুৰাগীসকলক একত্ৰিত কৰি আন্তঃৰাষ্ট্ৰীয় আৰু ঘৰুৱা ক্ৰিকেটত অসাধাৰণ প্ৰদৰ্শন কৰা ক্ৰিকেটাৰসকলক সম্বৰ্ধনা জনোৱা হয়।
ৰোহিত শৰ্মাক চিয়েট মেন’ছ ইণ্টাৰনেচনেল ক্ৰিকেটাৰ অৱ দ্য য়েৰৰ খিতাপ প্ৰদান কৰাৰ বিপৰীতে দীপ্তি শৰ্মাক চিয়েট বৰ্ষশ্ৰেষ্ঠ ভাৰতীয় মহিলা বলাৰ ৰূপে সন্মানিত কৰা হয়। বৰ্ষটোৰ পুৰুষ এদিনীয়া বেটছমেন হিচাপে স্বীকৃতি লাভ কৰে ক্ৰিকেটাৰ বিৰাট কোহলিয়ে। জীৱনজোৰা সাধনাৰ বঁটা আগবঢ়োৱা হয় টীম ইণ্ডিয়াৰ প্ৰাক্তন মুখ্য প্ৰশিক্ষক ৰাহুল দ্ৰাবিড়ক। উদীয়মান প্ৰতিভা ৰূপে যশস্বী জয়ছৱাল আৰু সাই কিশোৰকো সম্বৰ্ধনা জনোৱা হয়।
এই বঁটা প্ৰদান অনুষ্ঠানত ভাষণ প্ৰদান কৰি আৰপিজি গ্ৰুপৰ অধ্যক্ষ হৰ্ষ গোয়েংকাই ক্ৰিকেটৰ উৎকৰ্ষতা উদযাপনৰ প্ৰতি চিয়েটৰ সমৰ্পণৰ ওপৰত গুৰুত্ব আৰোপ কৰে। মুখ্য নিৰ্বাচক সুনীল গাভাস্কাৰে ক্ৰীড়াজগতত নতুন মানদণ্ড স্থাপন কৰাৰ বাবে বিজয়ীসকলক প্ৰশংসা কৰে। বিশ্বব্যাপী উদযাপন কৰা এই বঁটাই গুৱাহাটীকে ধৰি সমগ্ৰ ভাৰতৰ ক্ৰিকেট অনুৰাগীসকলক উৎসাহিত কৰিছে, য’ত ক্ৰিকেটৰ প্ৰতি থকা আগ্ৰহ কেৱল এনে অনুষ্ঠানে সূচায়, যি কেৱল ব্যস্ত বজাৰৰ আগ্ৰহতে সীমাৱদ্ধ নহয়। এনে বঁটাসমূহে স্থানীয় পৰ্যায়ত আৰু ক্ৰিকেট সম্পৰ্কীয় বাণিজ্যত ইন্ধন যোগায়।
