দেশৰ ক্ৰমবৰ্ধমান উৎপাদন খণ্ডত সহায় কৰিবলৈ সাজু হোৱা কানাৰা ৰ’বেকো মিউচুৱেল ফাণ্ডে নিজৰ শেহতীয়া অফাৰ কানাৰা ৰ’বেকো মেনুফেকচাৰিং ফাণ্ড উন্মোচন কৰিছে। ২০২৪ চনৰ ১৬ ফেব্ৰুৱাৰীত মুকলি হোৱা এই পুঁজি ২০২৪ চনৰ ১ মাৰ্চত বন্ধ হ’ব। এই নতুন ফাণ্ড(নিউ অফাৰিং)ৰ (এনএফঅ’) লক্ষ্য হৈছে বিনিয়োগকাৰীসকলক ভাৰতৰ ঔদ্যোগিক নৱজাগৰণত অংশগ্ৰহণৰ এক অনন্য সুযোগ প্ৰদান কৰা।
এই অনন্য পদক্ষেপৰ নেতৃত্ব লৈছে কানাৰা ৰ’বেকো মিউচুৱেল ফাণ্ডৰ চিইঅ’ ৰাজনীশ নাৰুলাই, যিয়ে ভাৰতৰ জনগাঁথনিগত আৰু নীতি-নিৰ্দেশিত পৰিৱৰ্তনৰ মাজত ফাণ্ডৰ কৌশলগত সময়ৰ ওপৰত গুৰুত্ব আৰোপ কৰিছে। আত্মনিৰ্ভৰ ভাৰত আৰু মেক ইন ইণ্ডিয়াৰ দৰে নীতি সংস্কাৰক পদক্ষেপৰ কথা বিশেষভাৱে উল্লেখ কৰি ৰাজনীশ নাৰুলাই দৃঢ়তাৰে কয় যে, “কানাৰা ৰ’বেকো মেনুফেকচাৰিং পুঁজি ভাৰতৰ আত্মনিৰ্ভৰশীলতা আৰু ঔদ্যোগিক বৃদ্ধিৰ অভিলাষী উদ্দেশ্যৰ সৈতে মিল আছে।”
কানাৰা ৰ’বেকোৰ ইকুইটিজৰ প্ৰধান শ্ৰীদত্ত ভাণ্ডৱাল্ডাৰে পুঁজিৰ বিকাশ-মুখী দৃষ্টিভংগীৰ ওপৰত গুৰুত্ব আৰোপ কৰিছে, যিয়ে শেহতীয়া উৎপাদন প্ৰৱণতাক মূলধন কৰি তোলাৰ বাবে বিশেষ প্ৰস্তুত কৰা হৈছে। “উৎপাদন আৰু আনুষংগিক ষ্টকৰ বাবে ন্যুনতম ৮০% আৱণ্টনৰ সৈতে এই পুঁজিয়ে ভাৰতৰ উৎপাদন পৰিস্থিতিতন্ত্ৰৰ সম্ভাৱনা উন্মুক্ত কৰিব বিচাৰে,” এইদৰে সহজভাৱে ব্যাখ্যা কৰে ভাণ্ডৱাল্ডাৰে। দীৰ্ঘম্যাদী প্ৰভাৱ আৰু উচ্চ বিপদজনক পৰিস্থিতিতো বৰ্তি-প্ৰসাৰৰ বাবে আগ্ৰহী বিনিয়োগকাৰীক শ্ৰীদত্ত ভাণ্ডৱাল্ডাৰৰ সৈতে ছিনিয়ৰ ফাণ্ড মেনেজাৰ প্ৰণৱ গোখলেৰ দ্বাৰা পৰিচালিত কেনাৰা ৰ’বেকো মেনুফেকচাৰিং ফাণ্ডে সহায় কৰাৰ লক্ষ্য বান্ধি লৈছে। নূন্যতম ৫,০০০ টকাৰ বিনিয়োগ পুঁজিয়ে ইকুইটি, ঋণ আৰু ৰিয়েল এষ্টেট বিনিয়োগ ট্ৰাষ্ট (আৰইআইটি) আৰু আন্তঃগাঁথনি বিনিয়োগ ট্ৰাষ্ট (ইনভিআইটি) সামৰি বৈচিত্ৰ্যময় পৰ্টফলিঅ’ আগবঢ়াইছে।
