কৰ্তব্যৰত BSFৰ জোৱানক হত্যাৰ চেষ্টা বাংলাদেশী দুৰ্বৃত্তৰ। দিনৰ পোহৰতে হাতে হাতে লাঠী-দা লৈ লৈ BSF জোৱানৰ দলৰ ওপৰত আক্ৰমণ কৰিলে বাংলাদেশী দুৰ্বৃত্তৰ এটা দলে। কেৱল আক্ৰমণ কৰায়ে নহয় BSF জোৱানৰ পৰা বন্দুক কাঢ়ি লৈ যোৱাৰো চেষ্টা চলালে বাংলাদেশী আক্ৰমণকাৰী দলটোৱে।ত্ৰিপুৰাৰ ভাৰত বাংলা সীমান্তত সংঘটিত হৈছে এই ভয়ংকৰ ঘটনা।সীমান্তৰে অবৈধভাৱে বিড়ি সৰবৰাহৰ চেষ্টা চলাইছিল বাংলাদেশী সৰবৰাহকাৰীয়ে। সেই সময়ত ত্ৰিপুৰাৰ সীমান্তৰ পৰা বাংলাদেশী সৰবৰাহকাৰী দলটোক বাধা দিছিল পেট্ৰ’লিং দি থকা BSFৰ দলটোৱে। সেই সময়তে বাংলাদেশী সৰবৰাহকাৰীয়ে অপমান কৰাৰ লগতে প্ৰত্যাহ্বান জনাইছিল সীমান্তত কৰ্তব্যৰত BSFৰ দলটোক।পৰিস্থিতি অধিক উত্তপ্ত হৈ পৰাত ঘটনাস্থলীত উপস্থিত হয় অতিৰিক্ত BSFৰ দল। পৰৱৰ্তী সময়ত পৰিস্থিতি নিয়ন্ত্ৰণলৈ অহাৰ লগতে ঘটনাস্থলীৰ পৰা পলায়ন কৰে বাংলাদেশী দুৰ্বৃত্তৰ দলটো। এই ভয়ংকৰ ঘটনাৰ পিছতে সীমান্তত অধিক কটকটীয়া কৰি তোলা হৈছে নিৰাপত্তা ব্যৱস্থা।
