ইণ্ডিয়াস্কিলচ ২০২১ ৰাষ্ট্ৰীয় প্ৰতিযোগিতাত অসমে সফলতাৰে ১টা ৰূপৰ পদক লাভ কৰিছে। প্ৰতিযোগিতাখনত মুঠ ১৮৫ জন প্ৰাৰ্থীক বিজয়ী ঘোষণা কৰা হয় আৰু ভাৰত চৰকাৰৰ দক্ষতা বিকাশ আৰু উদ্যোগমন্ত্ৰালয়ৰ (এমএছডিই) সচিব ৰাজেশ আগৰৱালে তেওঁলোকক নতুন দিল্লীৰ তালকাটোৰা ষ্টেডিয়ামত সম্বৰ্ধনা জনায়। বিজয়ীসকলক ১,০০,০০০ টকাৰ নগদ পুৰস্কাৰ প্ৰদান কৰা হৈছিল, আনহাতে প্ৰথম ৰানাৰ্ছ-আপ আৰু দ্বিতীয় ৰানাৰ্ছ-আপক ক্ৰমান্বয়ে ৭৫,০০০ টকা আৰু ৫০,০০০ টকা প্ৰদান কৰা হৈছিল।
এমএছডিই-ৰ নিৰ্দেশনাত ৰাষ্ট্ৰীয় দক্ষতা বিকাশ নিগমৰ দ্বাৰা আয়োজিত বন্ধ দুৱাৰ প্ৰতিযোগিতাখনত 54 টা দক্ষতা যেনে কংক্ৰিট নিৰ্মাণ কাৰ্য, সৌন্দৰ্য চিকিৎসা, কাৰ পেইণ্টিং, স্বাস্থ্য আৰু সামাজিক যত্ন, ভিজুৱেল মাৰ্চেণ্ডাইজিং, গ্ৰাফিক ডিজাইন প্ৰযুক্তি, দেৱাল আৰু মজিয়াৰ টাইলিং, ৱেল্ডিং আদিত অংশগ্ৰহণ কৰা হৈছিল।
দক্ষতা বিকাশ আৰু উদ্যোগমন্ত্ৰালয়ৰ (এমএছডিই) সচিব ৰাজেশ আগৰৱালে কয়, “চৰকাৰ, উদ্যোগ আৰু বিশেষজ্ঞসকলে একেলগে কাম কৰিব যাতে এই বছৰৰ শেষৰ ফালে চীনৰ ছাংহাইত অনুষ্ঠিত হ’বলগীয়া বিশ্বদক্ষতা আন্তঃৰাষ্ট্ৰীয় প্ৰতিযোগিতাত সৰ্বশ্ৰেষ্ঠ প্ৰদৰ্শন কৰাৰ বাবে টীম ইণ্ডিয়া আকাংক্ষিত প্ৰশিক্ষণ আৰু সঁজুলিৰে সৰ্বশ্ৰেষ্ঠভাৱে সজ্জিত হয়। মই নিশ্চিত যে আমি এই বছৰ বিশ্বব্যাপী মঞ্চত অধিক পদক লাভ কৰিম।”
