এছিয়ান কাৰাটে চেম্পিয়নশ্বিপত অংশগ্ৰহণ কৰিবলগীয়া ভাৰতীয় কাৰাটে দলত অসমৰ চাৰি গৰাকী খেলুৱৈৰ ভিতৰত বৰপেটাৰ দুগৰাকী খেলুৱৈ অন্তৰ্ভুক্ত হৈছে। ভাৰতীয় দলটোত স্থান প্ৰাপ্ত কাৰাটে খেলুৱৈ চাৰি গৰাকী হৈছে – হেম্ফু বংজাং (গুৱাহাটী), জিয়ান চৌধুৰী (বৰপেটা), আৰু মহিলাৰ স্থান প্ৰাপ্ত খেলুৱৈ দুগৰাকী হৈছে হানী আলী(বৰপেটা) তথা কস্তুৰী কলিতা (যোৰহাট) ।
বৰপেটাৰ হানী আলী আৰু জিয়ান চৌধুৰীয়ে কাৰাটে প্ৰশিক্ষক হাছমৎ আলীৰ তত্বাবধানত বৰপেটাৰ উকা কাৰাটে একাডেমীত প্ৰশিক্ষণ প্ৰাপ্ত খেলুৱৈ । উল্লেখযোগ্য যে হেম্ফু বংজাঙে ল’ৰাৰ ৬১ কেজি কুমিটে আৰু জুনিয়ৰ শাখাত কাটা ইভেন্ট’ত খেলিব ।
বিপৰীতে মহিলাৰ হানী আলীয়ে ২১ বছৰ অনুৰ্ধ্ব বয়সৰ ৬১ কেজি কুমিটেত অংশগ্ৰহণ কৰিব । তেনেদৰে জিয়ান চৌধুৰীয়ে ল’ৰাৰ জুনিয়ৰ ৫৫ কেজিত আৰু কস্তুৰী কলিতাই মহিলাৰ ৬৬ কেজি কুমিটেত অৱতীৰ্ণ হ’ব বুলি জানিব পৰা গৈছে ।
