তীব্ৰবেগী এম্বুলেন্সত নিয়ন্ত্ৰণ হেৰুৱাই পথৰ দাঁতিৰ খুটাত প্ৰচণ্ড জোৰে খুন্দা মৰাৰ ফলত তিনিগৰাকী যাত্রী গুরুতরভাৱে আহত আৰু এক শোকাৱহ পৰিস্থিতি সৃষ্টি হৈছে। বৃহস্পতিবাৰে বঙাইগাঁও জিলাৰ চাপ্ৰাকাটাত ৩১ নম্বৰ ৰাষ্ট্ৰীয় ঘাইপথত এই দুৰ্ঘটনাটো ঘটিছে। জানিব পৰা মতে, এম্বুলেন্সখনে এগৰাকী মহিলাৰ মৃতদেহ কলকাতাৰ পৰা অসমলৈ কঢ়িয়াই আহিছিল।
মৃত মহিলাগৰাকীৰ নাম জেলেকা বেগম, যাক বৰপেটা চহৰৰ নিবাসী হিচাপে চিনাক্ত কৰা হৈছে। তেওঁ কলকাতাৰ চিকিৎসাধীন অৱস্থাত মৃতু মুখত পৰাৰ পাছত তেওঁৰ মৃতদেহ অন্তিম সংস্কাৰৰ বাবে বৰপেটা লৈ অহা হৈছিল। দুৰ্ঘটনাটো যিহেতু অত্যন্ত ভয়ংকৰ আছিল, এম্বুলেন্সখনৰ ভিতৰত মৃতদেহটো দীঘলীয়া সময় ধৰি আবদ্ধ হৈ থাকে, যাৰ বাবে উদ্ধাৰ অভিযানত উল্লেখযোগ্য অসুবিধা হৈছে।
এতিয়া স্থানীয় ৰাইজ আৰু আৰক্ষীয়ে একেলগে উদ্ধাৰ অভিযান চলাইছে। যাত্ৰীগৰাকীৰ ভিতৰত থকা তিনিজন আহতক বঙাইগাঁও অসামৰিক চিকিৎসালয়লৈ প্ৰেৰণ কৰা হৈছে। চিকিৎসালয়ৰ সূত্ৰৰ পৰা জানিব পৰা মতে, আহতসকলৰ অৱস্থা অত্যন্ত সংকটজনক। ইতিমধ্যে, আৰক্ষীয়ে দুৰ্ঘটনাস্থলীত উপস্থিত গাড়ীখন জব্দ কৰি তদন্ত আৰম্ভ কৰিছে। আইনগত প্ৰক্ৰিয়া সম্পূৰ্ণ হোৱাৰ পাছত মৃতদেহটো শোকসন্তপ্ত পৰিয়াললৈ দিয়া হ’ব।
About the Author
