বিশ্বৰ স্বাস্থ্যসেৱা খণ্ডৰ আগশাৰীৰ প্ৰতিষ্ঠান এব’টে ভাৰতত নিজৰ ডিজিটেল স্বাস্থ্য সঁজুলি ফ্ৰীষ্টাইল লিবাৰলিংক এপ মুকলিৰ কথা ঘোষণা কৰিছো। এই মোবাইল এপ্লিকেচনৰ জৰিয়তে যিসকল লোকৰ ফ্ৰীষ্টাইল লিবাৰ ব্যৱস্থাই গ্লুক’জ জুখিব পাৰি, সেইসকল লোকে এতিয়া যিকোনো সময়তে যিকোনো ঠাইতে বিন্ধাৰ বিষ অবিহনে নিজৰ ৰিডিং লাভ কৰিব পাৰিব। এব’টে ফ্ৰীষ্টাইল লিবাৰ ডিজিটেল প্লেটফৰ্ম মুকলি কৰিছে, যাক সহজ নিৰীক্ষণ, অন্তৰ্দৃষ্টি আৰু সংযোগৰ জৰিয়তে ডায়েবেটিছ বা মধুমেহ ৰোগ ব্যৱস্থাপনা উন্নত কৰাৰ বাবে ডিজাইন কৰা হৈছে, যি আইফোন আৰু এণ্ড্ৰইড স্মাৰ্টফোনৰ সৈতেও সামঞ্জস্যপূৰ্ণ। যদি গ্লুকোজ ৰিডিং আপোনাৰ লক্ষণ বা প্ৰত্যাশাৰ সৈতে মিলা নাই, তেন্তে আঙুলিৰ বিন্ধাৰ প্ৰয়োজন। এব’ট ডায়েবেটিছ কেয়াৰ, ইনকৰ্পৰেটেডৰ তথ্য অনুসৰি ফ্ৰীষ্টাইল লিবাৰ পৰ্টফলিঅ’ৰ অন্যান্য আগশাৰীৰ ব্যক্তিগত ব্যৱহাৰ চেন্সৰ-ভিত্তিক গ্লুক’জ নিৰীক্ষণ ব্যৱস্থাতকৈ অধিক বিশ্বব্যাপী ব্যৱহাৰকাৰীৰ আধাৰ বা গ্ৰাহক আছে।
উদ্বোধনী অনুষ্ঠানত বক্তব্য ৰাখি দক্ষিণ এছিয়াৰ এব’টৰ ডায়েবেটিছ কেয়াৰ বিজনেছৰ জেনেৰেল মেনেজাৰ কল্যাণ সত্তাৰুৱে কয় যে, “ডায়েবেটিছ বা মধুমেহ ৰোগ থকা লোকসকলে নিজৰ ডায়েবেটিছ কাৰ্যকৰীভাৱে নিয়ন্ত্ৰণ কৰিবলৈ বহুতো কাম বা পদ্ধতিৰ সন্মুখীন হ’ব লগা হোৱাৰ বাবে গুৰুত্বপূৰ্ণ বোজা অনুভৱ কৰে। ফ্ৰীষ্টাইল লিবাৰলিংক এপে ফ্ৰীষ্টাইল লিবাৰ চেন্সৰৰ সৈতে নিৰৱচ্ছিন্নভাৱে একত্ৰিত কৰে, যি হৈছে বিশ্বজুৰি ৫ মিলিয়নতকৈ অধিক ডায়েবেটিছ ৰোগীয়ে ব্যৱহাৰ কৰা বিশ্বৰ নং ১ কণ্টিনিউয়াছ গ্লুক’জ মনিটৰিং (চিজিএম) এপ। এবটত, আমি আমাৰ ফ্ৰীষ্টাইল লিবাৰ প্ৰযুক্তিয়ে কেৱল ডায়েবেটিছ থকা লোকসকলৰ বাবে দৈনন্দিন ৰুটিন কাম-কাজসমূহ সৰল কৰাই নহয়, লগতে মানুহৰ শৰীৰত ডায়েবেটিছ অধিক কাৰ্যকৰীভাৱে নিয়ন্ত্ৰণ কৰিবলৈ ক্ষমতা প্ৰদান কৰাটো নিশ্চিত কৰিবলৈও সমানে প্ৰতিশ্ৰুতিবদ্ধ।”
ফ্ৰীষ্টাইল লিবাৰলিংক এপৰ জৰিয়তে ডায়েবেটিছ ৰোগীসকলক নিজৰ স্মাৰ্টফোনত বাস্তৱ-সময়ত গ্লুকোজৰ স্তৰ বা মাত্ৰা নিৰীক্ষণ কৰিবলৈ অনুমতি প্ৰদান কৰে, যাৰ ফলত চিকিৎসক আৰু যত্ন লওঁতাসকলৰ সৈতে সহজে ভাগ বতৰা কৰিব পাৰি। ই চেন্সৰৰ পৰা এপলৈ গ্লুকোজৰ ডাটা স্থানান্তৰ কৰিবলৈ প্ৰায় ক্ষেত্ৰযোগাযোগ (এনএফচি) প্ৰযুক্তি ব্যৱহাৰ কৰে, যাৰ ফলত ব্যৱহাৰকাৰীসকলে নিজৰ গ্লুকোজৰ ইতিহাস বা পৰিমাণ, ট্ৰেণ্ডৰ পেটাৰ্ণ অনুসৰণ কৰিব পাৰে আৰু ৰোগীৰ আহাৰ, ঔষধ আৰু ব্যায়াম পৰিচালনা কৰিব পাৰে অথবা পৰৱৰ্তী পদক্ষেপ ল’ব পাৰে। এই বিষয়ে জ্যেষ্ঠ ডায়েবেট’লজিষ্ট ডাঃ মনোজ চাওলাই নিজৰ চিন্তা-ধাৰা ভাগ বতৰা কৰি কয় যে, “বাস্তৱ-সময়ৰ ভিত্তিত গ্লুক’জৰ তথ্য স্বয়ংক্ৰিয়ভাৱে লাভ কৰাৰ ক্ষমতাই ডায়েবেটিছ ৰোগী আৰু তেওঁলোকৰ যত্ন লোৱা লোকসকলৰ বাবে সহজ ডায়েবেটিছ ব্যৱস্থাপনা সহজ কৰি তুলিব পাৰে। এই নতুন ডায়েবেটিছ প্ৰযুক্তিয়ে সঠিক, নিখুঁত আৰু অৱগত সিদ্ধান্ত লোৱাৰ পথ প্ৰশস্ত কৰিব।” ডিজিটেল স্বাস্থ্য সঁজুলিৰ জৰিয়তে ফ্ৰীষ্টাইল লিবাৰলিংকে ব্যৱহাৰকাৰীসকলক লিবাৰভিউ আৰু লিবাৰলিংকআপ স্বাস্থ্যসেৱা পেছাদাৰী আৰু যত্ন লওঁতাসকলৰ সৈতে তথ্য ভাগ বতৰা(শ্বেয়াৰ) কৰিবলৈ অনুমতি প্ৰদান কৰে। লিবাৰভিউ হৈছে এক সুৰক্ষিত ক্লাউড-আধাৰিত ডায়েবেটিছ(মধুমেহ) ব্যৱস্থাপনা প্ৰণালী, যিয়ে ৰোগীসকলক নিজৰ গ্লুকোজ অন্তৰ্দৃষ্টিসমূহ ভাগ-বতৰা কৰিবলৈ অনুমতি দিয়ে আৰু সময়মতে হস্তক্ষেপ বা ব্যৱস্থা ল’বলৈ সক্ষম কৰি তোলে। লিবাৰলিংকআপ অভিভাৱক আৰু যত্ন লোৱাসকলৰ বাবে এক বিশেষ মোবাইল এপ, যিয়ে শিশুৰ লগতে বৃদ্ধ পিতৃ-মাতৃ অথবা ডায়েবেটিছ ৰোগৰ সৈতে যুঁজ দিয়া ভূগি থকা আপোনজনৰ বাবে গ্লুক’জৰ ইতিহাস বা পৰিমাণ আৰু ট্ৰেণ্ড সহজে পৰীক্ষা কৰিব পাৰে।
