অসমৰ মুখ্যমন্ত্ৰী হিমন্ত বিশ্ব শৰ্মাই বুধবাৰে কয় যে দুদিনীয়া ব্যৱসায় সন্মিলনৰ সময়ত প্ৰায় পাঁচ লাখ কোটি টকাৰ বিনিয়োগৰ প্ৰস্তাৱ আহে। ৰিলায়েন্স, আদানি, বেদন্ত আৰু টাটা গ্ৰুপৰ দৰে আগশাৰীৰ গোটবোৰ বিনিয়োগ ঘোষণা কৰা সকলৰ ভিতৰত আছে। অসম ব্যৱসায় সন্মিলনৰ সামৰণি অনুষ্ঠানত ভাষণ প্ৰদান কৰি ৰাজ্যৰ মুখ্য সচিব ৰবি কোটাই কয় যে ৰাজ্য চৰকাৰ আৰু বিভিন্ন কোম্পানীৰ মাজত ২.৭৫ লাখ কোটি টকাৰ প্ৰায় ২৭০ খন বুজাবুজি চুক্তি স্বাক্ষৰিত হয়।
অনুষ্ঠানটো সমাপ্ত হোৱাৰ পিছত মুখ্যমন্ত্ৰীয়ে ছ’চিয়েল মিডিয়া প্লেটফৰ্ম ‘এক্স’ত লিখিছিল, এডভাণ্টেজ আছাম ২.০ বিনিয়োগ আৰু আন্তঃগাঁথনি সন্মিলন ২০২৫ৰ মুঠ বিনিয়োগৰ প্ৰতিশ্ৰুতি ৪,৯১,৫০০ কোটি টকা। তেওঁ কয় যে ৰাজ্য চৰকাৰে ৬-৭ লাখ কোটি টকাৰ বিনিয়োগৰ প্ৰস্তাৱ লাভ কৰিছে, কিন্তু সঠিক পৰীক্ষাৰ পিছত সেই সকলোবোৰ গ্ৰহণ কৰা হোৱা নাই।
আমাৰ বিষয়াসকলে সকলো প্ৰস্তাৱ পৰীক্ষা কৰিছে আৰু কেৱল সেই প্ৰস্তাৱবোৰৰ ওপৰত হে আগবাঢ়িছে যাৰ ওপৰত পৰৱৰ্তী তিনি-চাৰি বছৰত ব্যৱস্থা গ্ৰহণ কৰিব পাৰি।
