অসম প্ৰদেশ কংগ্ৰেছ কমিটীয়ে ২০২৬ বৰ্ষৰ বিধানসভা নিৰ্বাচনৰ বাবে নতুন ৰণকৌশল ঘোষণা কৰিছে, য’ত ১২৬ খন আসনৰ ভিতৰত ১০০ খন আসনত কংগ্ৰেছে প্ৰতিদ্বন্দ্বিতা কৰাৰ সিদ্ধান্ত লৈছেয আৰু বাকী ২৬ খন আসন মিত্ৰ দলসমূহৰ বাবে এৰি দিছে। কংগ্ৰেছৰ সভাপতি গৌৰৱ গগৈয়ে এই ঘোষণা নতুন দিল্লীত সাংবাদিক সম্মেলনত কৰিছে। প্ৰাৰ্থিত্বৰ আবেদন প্ৰক্ৰিয়া ১ জানুৱাৰীৰ পৰা আৰম্ভ হ’ব, য’ত আগ্ৰহী প্ৰাৰ্থীসকলে ৫ জানুৱাৰীৰ পৰা ২০ জানুৱাৰীলৈ আবেদন জমা দিব লাগিব। প্ৰতিখন আবেদনলৈ ৫০,০০০ টকাৰ মাচুল নির্ধাৰণ কৰা হৈছে, যদিও মিত্ৰ দলৰ সমষ্টিসমূহৰ আবেদনকাৰীৰ মাচুল ঘূৰাই দিয়া হ’ব।
কংগ্ৰেছে বিজেপিৰ বিৰোধী মিত্ৰজোঁটৰ আসন ভাগ-বাটোৱৰ বিষয়ে স্থিতি সুস্পষ্ট কৰিছে আৰু ৰাইজৰ দল, অসম জাতীয় পৰিষদ, চিপিএম আৰু চিপিআইৰ সৈতে আলোচনা অব্যাহত আছে। নববৰ্ষৰ আৰম্ভণিতে কংগ্ৰেছৰ এই সক্ৰিয়তা অসমৰ নিৰ্বাচনী পৰিস্থিতি গৰম কৰি তুলিছে। শিক্ষা আৰু স্বাস্থ্য খণ্ডৰ উন্নতিৰ প্ৰতিশ্ৰুতিৰে কংগ্ৰেছ ভোটাৰ মন জয় কৰাৰ চেষ্টা কৰিছে, আৰু এই মিত্ৰজোঁটৰ আসন বিভাজন নিৰ্বাচনৰ ফলাফলত কি প্ৰভাৱ পেলায়, সেয়া পৰ্যৱেক্ষণৰ বিষয় হ’ব।
About the Author
