🔷শিক্ষা বিভাগত বৃহৎ কেলেংকাৰী!

নিউজ ডেস্ক: মৰিগাঁৱৰ লাহৰীঘাট প্ৰাথমিক শিক্ষা খণ্ডৰ একাংশ বিদ্যালয়ত সংঘটিত হৈছে ব্যাপক দুৰ্নীতি । বিদ্যালয়খনৰ প্ৰধান শিক্ষক চিৰাজুল ইছলামে দীৰ্ঘদিন ধৰি আৱন্টিত মাধ্যাহ্ন ভোজনৰ চাউল , টকা আত্মসাৎ কৰাৰ গুৰুতৰ অভিযোগ উত্থাপন কৰিছে স্থানীয় ৰাইজে আৰু অভিভাৱকে । বিদ্যালয় পৰিচালনা সমিতি (S M C)গঠন কৰাৰ ক্ষেত্ৰত প্ৰধান শিক্ষকজনে বিভাগীয় নীতি নিৰ্দেশনাক বুঢ়া আঙুলি দেখুৱাই গোপনে গঠন কৰি লৈছে বিদ্যালয় পৰিচালনা সমিতি । লক্ষ্যনীয় বিষয় যে , পৰিচালনা সমিতিৰ সদস্যই নাজানে কমিটি গঠনৰ বিষয়ে। বিদ্যালয়খনত সংঘটিত হোৱা ব্যাপক দুৰ্নীতিৰ সন্দৰ্ভত ছাত্ৰ -ছাত্ৰীৰ অভিভাৱক আৰু ৰাইজে সংশ্লিষ্ট বিভাগৰ লগতে স্থানীয় চক্ৰ বিষয়া আৰু লাহৰীঘাট আৰক্ষীক লিখিত অভিযোগ দিয়াৰ পাছতো কোনো ব্যাৱস্থা গ্ৰহন কৰা নাই ।পৰৱৰ্তী সময়ত লক্ষ্যণীয় হ’ব শিক্ষা বিভাগে কি ব্যৱস্থা গ্ৰহণ কৰে প্ৰধান শিক্ষক জনৰ বিৰুদ্ধে।

About the Author

Dipshikha

Editor

View All Posts