🔷ছাত্র ছাত্ৰীৰ পৰা অবৈধ ভাৱে ধন সংগ্ৰহ এজন প্ৰধান শিক্ষকৰ

নিউজ ডেস্ক: ৰাজ্য চৰকাৰে বিদ্যালয় সমুহত গুণউৎসৱৰ জৰিয়তে শৈক্ষিক মানদণ্ড উন্নত কৰিবলৈ বিচৰাৰ সময়তে ৰঙিয়াৰ এখন বিদ্যালয়ত সংঘটিত হৈছে বৃহৎ অৰাজগতা । বিদ্যালয়খনৰ প্ৰধান শিক্ষক গৰাকীৰ বাবে মঙ্গলবাৰে অনুষ্ঠিত হোৱা ‘ইউনিট’ পৰীক্ষাত ছাত্ৰ ছাত্ৰী সকলে প্ৰায় এঘন্টা সময় পলমকৈ পৰীক্ষাত অৱতীৰ্ণ হব লগা হয় । যাৰ ফলত বিদ্যালয়খনৰ ছাত্ৰ ছাত্ৰী তথা শিক্ষক শিক্ষয়িত্ৰী সকলৰ মাজত সৃষ্টি হয় এক হুলুস্থলীয়া পৰিবেশ । মঙ্গলবাৰে বিদ্যালয়খন দুটা শ্ৰেণীৰ ছাত্ৰ ছাত্ৰী সকলৰ গণিত আৰু সমাজ অধ্যায়ণ বিষয়ত পৰীক্ষা আছিল যদিও বিদ্যালয়খনৰ প্ৰধান শিক্ষক ধ্ৰুৱ কুমাৰ শৰ্মাই পৰীক্ষাৰ প্ৰশ্ন কাকত সমুহ তলামাৰি থৈ বিদ্যালয়ত অনুপস্থিত থকাৰ বাবে সৃষ্টি হয় খেলিমেলি । পিচত সহ শিক্ষক এগৰাকীয়ে বিদ্যালয় পৰিচালনা সমিটিৰ সভাপতিৰ লগত যোগাযোগ কৰাত তলা লগাই থোৱা অৱস্থাত ড্ৰয়াৰত প্ৰশ্ন কাকত সমুহ পাবলৈ সক্ষম হয় । যাৰ ফলত প্ৰায় আধাঘন্টা সময়ৰ পিচত ছাত্ৰ ছাত্ৰী সকলৰ পৰীক্ষা অনুষ্ঠিত হয় । জানিব পৰামতে প্ৰধান শিক্ষকজনে এগৰাকী শিক্ষয়িত্ৰীৰ যোৱা মাহৰ দৰমহাৰ বিল নিজৰ মই মতালীত নবনোৱাৰ বাবে শিক্ষয়িত্ৰী গৰাকীয়ে ৰঙিয়া মহকুমাধিপতিক প্ৰধান শিক্ষক জনৰ বিৰুদ্ধে এখন অভিযোগ পত্ৰ প্ৰদান কৰে । অভিযোগ পত্ৰ খনৰ ভিত্তিতে ৰঙিয়াৰ মহকুমাধিপতি গৰাকী সোমবাৰে বিদ্যালয়খনত উপস্থিত হৈ প্ৰাথমিক তদন্ত কৰি প্ৰধান শিক্ষক গৰাকীক ধমক দিয়াৰ উপৰিও তেওঁৰ ওপৰত ব্যৱস্থা লোৱাৰ কথা উল্লেখ কৰিছিল । মহকুমাধিপতিৰ এনে পদক্ষেপৰ পিচতে মঙ্গলবাৰে প্ৰধান শিক্ষক গৰাকীয়ে অন্য ব্যক্তিৰ হাতত চুটিৰ বাবে এখন পত্ৰ প্ৰেৰণ কৰি বিদ্যালয়ত উপস্থিত নথকাৰ বাবে পৰীক্ষাৰ ক্ষেত্ৰত এনে সমস্যাৰ সৃষ্টি হয় । আনকি প্ৰধান শিক্ষক গৰাকী বিদ্যালয়ত উপস্থিত নথকাৰ বাবে মঙ্গলবাৰে প্ৰকাশ হোৱা হাইস্কুল শিক্ষান্ত পৰীক্ষাৰ ফলাফল লোৱাটো ছাত্ৰ ছাত্ৰী সকলে সাংঘাটিক ধৰণে সমস্যাৰ সন্মুখীন হয় । গুৰুত্বপূৰ্ণ বিষয়টো হল যে মঙ্গলবাৰে বিদ্যালয়খনৰ অধিকাংশ ছাত্ৰ ছাত্ৰীয়ে অভিযোগ কৰামতে তেওলোকৰ নামভৰ্ত্তিৰ বাবে অতিৰিক্ত ভাবে ধনৰ দাবী কৰে প্ৰধাণ শিক্ষক গৰাকীয়ে । আনকি দশম শ্ৰেণীৰ ছাত্ৰ এজনক নৱম শ্ৰেনীৰ পৰা উৰ্ত্তীৰ্ণ কৰাই দিয়া নামত প্ৰধান শিক্ষক গৰাকীয়ে এক হেজাৰ টকা সংগ্ৰহ কৰিছে বুলিও অভিযোগ উত্থাপিত হৈছে। শিক্ষক শিক্ষয়ত্ৰী সকলে জানিবলৈ দিয়ামতে প্ৰধান শিক্ষক ধ্ৰুৱ শৰ্মাই শৈক্ষিক বাতাৱৰণ সম্পূৰ্ণ ৰূপে বিনিষ্ট কৰি ছাত্ৰ ছাত্ৰী সকলৰ ভৱিষ্যত অন্ধকাৰৰ ফালে ঠেলি দিয়া পৰিলক্ষিত হৈছে । বিদ্যালয়খনৰ ছাত্ৰ ছাত্ৰী সকলক প্ৰদান কৰি অহা মধ্যহ্ন ভোজনৰ ক্ষেত্ৰটো প্ৰধান শিক্ষক গৰাকীয়ে কৰি আহিছে বৃহৎ খেলিমেলি । চৰকাৰী নিৰ্দেশ মতে মধ্যহ্ন ভোজনৰ খাদ্য প্ৰদান কৰিবলাগে যদিও তেনে নিৰ্দেশক কেৰেপ নকৰি প্ৰধান শিক্ষক গৰাকীয়ে দুই এদিনৰ মুৰে মুৰে বন্ধ ৰাখে মধ্যহ্ন ভোজন । এনে বিষয়বোৰ আঙুলিয়াই দি বিদ্যালয় সমুহৰ পৰিদৰ্শক স্থানীয় ৰাইজে পুৰ্বতে অভিযোগ দিছিল যদিও শিক্ষা বিভাগৰ আশিস থকা এইজন প্ৰধান শিক্ষকৰ বিৰুদ্ধে এতিয়ালৈ কোনো ব্যৱস্থা গ্ৰহণ নকৰিলে শিক্ষা বিভাগে । প্ৰধান শিক্ষক ধ্ৰুৱ কুমাৰ শৰ্মাই নিজৰ মইতালিত এনেদৰে বিদ্যালয় পৰিচালনা কৰি ঐতিয্যপুৰ্ণ জয়ন্তীপুৰ বিদ্যাপীঠ হাইস্কুলখন শৈক্ষিক বাতাবৰণ বিনীষ্ট কৰাত স্থানীয় ৰাইজ জাঙুৰখাই উঠা পৰিলক্ষিত হওঁ আচিৰেই বিদ্যালয়খনৰ প্ৰধান শিক্ষক গৰাকীৰ বিৰুদ্ধে ব্যৱস্থা গ্ৰহণৰ বাবে পুণৰবাৰ দাবী জনাইছে শিক্ষা বিভাগক।