টিএমচিৰ ৰাষ্ট্ৰীয় সম্পাদক অভিষেক বেনাৰ্জীয়ে ভাৰতীয় নিৰ্বাচন আয়োগলৈ পত্ৰ প্ৰেৰণ কৰি কয় যে ‘দূৰৱৰ্তী ভোটদান’ৰ খৰখেদাকৈ লোৱা সিদ্ধান্তই ক্ষতিকাৰক প্ৰভাৱ পেলাব পাৰে।
বেনাৰ্জীয়ে তেওঁৰ পত্ৰত উল্লেখ কৰিছে যে দূৰৱৰ্তী ভোটদান- ঘৰুৱা প্ৰব্ৰজনকাৰী কোন সেই বিষয়ে আইনী সতৰ্কবাণীৰ উপৰিও- সমগ্ৰ নিৰ্বাচনী প্ৰক্ৰিয়াৰ স্বচ্ছতা আৰু পবিত্ৰতাৰ ওপৰত প্ৰাসংগিক প্ৰশ্ন উত্থাপন কৰে।
‘এই দেশৰ লাখ লাখ ভোটাৰে মুক্ত আৰু ন্যায্যভাৱে নিজৰ মূল্যৱান ভোট পঞ্জীয়ন কৰাৰ যোগ্য। ভোটদান প্ৰক্ৰিয়াৰ ওপৰত আস্থা থাকিলেহে তেওঁলোকে কৰিব পাৰিব। দূৰৱৰ্তী ভোটিঙে সেই আস্থাকে ভাবুকি কঢ়িয়াই আনে, ই যেন জনসাধাৰণৰ পৰিৱৰ্তে এটা নিৰ্দিষ্ট ৰাজনৈতিক দল বা মঞ্চৰ লাভৰ প্ৰতি অধিক মিল থকা পদক্ষেপ।’
বেনাৰ্জীয়ে আৰ্হি আচৰণ বিধি (এমচিচি)ৰ ওপৰত কঠোৰ নিৰীক্ষণৰ পোষকতা কৰে, কিয়নো তেওঁ অনুভৱ কৰে যে একেটাৰ অনুপস্থিতিত কেইবাটাও ৰাজনৈতিক দলে কাৰ্য্যবিধিত হেতালি খেলিব পাৰে।
দূৰৱৰ্তী ভোটদানত ইভিএমৰ হেতালি খেলাৰ সম্ভাৱনাৰ ওপৰত আলোকপাত কৰি টিএমচিৰ ৰাষ্ট্ৰীয় সচিবগৰাকীয়ে তেওঁৰ পত্ৰত আৰু কয়, “আমাৰ গণতন্ত্ৰক শক্তিশালী কেইজনমানৰ সংকীৰ্ণ স্বাৰ্থৰ বাবে খেলা কৰিব নোৱাৰি। যদি সঁচাকৈয়ে নিৰ্বাচন আয়োগে ভোটাৰৰ অংশগ্ৰহণ উন্নত কৰিব বিচাৰে তেন্তে আমাৰ জনসাধাৰণৰ মাজত বিশ্বাস জগাই তোলা আৰু তেওঁলোকৰ গৃহ ৰাজ্যত ভোটদানৰ সুবিধা উন্নত কৰা পথ বিচাৰিব লাগিব।’’
