নেচনেল ডেমক্ৰেটিক এলায়েন্সে (এন ডি এ) চৰকাৰ গঠনৰ দাবী উত্থাপন কৰিছে। শুকুৰবাৰে কেইবাখনো বৈঠকৰ পিছত এন ডি এৰ নেতাৰ দলটোৱে ৰাষ্ট্ৰপতি দ্ৰৌপাদি মুৰ্মুক সাক্ষাৎ কৰে আৰু চৰকাৰ গঠনৰ প্ৰস্তাৱ প্ৰদান কৰে। চৰকাৰ গঠনৰ দাবী জনোৱাৰ বাবে ৰাষ্ট্ৰপতি ভৱনত উপস্থিত হয় অমিত শ্বাহ, ৰাজনাথ সিং, জে পি নাড্ডা, নীতিশ কুমাৰ, একনাথ চিন্দেকে ধৰি ১৬ টা দলৰ নেতাসকল।এতিয়া ৰাষ্ট্ৰপতিয়ে তেওঁক প্ৰধানমন্ত্ৰী হিচাপে নৰেন্দ্ৰ মোদীক মনোনীত কৰাৰ পিছত শপতগ্ৰহণৰ সময় আৰু স্থান আনুষ্ঠানিকভাৱে নিৰ্ধাৰণ কৰিব। লোকসভা নিৰ্বাচনৰ ফলাফলত, এন ডি এ গোটে ২৯৩ খন আসন লাভ কৰিছিল, যি হৈছে ২৭২ টা সংখ্যাগৰিষ্ঠতাৰ যাদুকৰী সংখ্যাতকৈ অধিক। যদিও এন ডি এৰ নেতৃত্ব দিয়া ভাৰতীয় জনতা পাৰ্টীয়ে এইবাৰ সংখ্যা গৰিষ্ঠসংখ্যাতকৈ যথেষ্ট কম আছিল। অৱশ্যে, শুকুৰবাৰে বিয়লি এন ডি এৰ নেতাসকলে ৰাষ্ট্ৰপতি মুৰ্মুক সাক্ষাৎ কৰে আৰু চৰকাৰ গঠনৰ দাবী দাঙি ধৰে আৰু সকলো জল্পনা-কল্পনাৰ অন্ত পেলায়।
ইয়াৰ পূৰ্বে শুকুৰবাৰে সংসদীয় দলৰ বৈঠকত নৰেন্দ্ৰ মোদীক এন ডি এ সংসদীয় দলৰ নেতা নিৰ্বাচিত কৰা হয়, যাৰ পিছত মোদীয়ে আশীৰ্বাদ বিচাৰি এল কে আদৱানীৰ ঘৰত উপস্থিত হয়। সংসদীয় দলৰ বৈঠকত নৰেন্দ্ৰ মোদীয়ে কয় যে এন ডি এ মিত্ৰজোঁট হৈছে আটাইতকৈ সফল মিত্ৰজোঁট।
