গোলাঘাটৰ ত্ৰিপল মাৰ্ডাৰৰ নতুন মোৰ।গোলাঘাটৰ মাৰ্ডাৰৰ কাণ্ডত লাভ জেহাদ আছে বুলি মুখ্যমন্ত্ৰী ড° হিমন্ত বিশ্ব শৰ্মাই উল্লেখ কৰাৰ পিছতেই ৰাজ্যত ব্যাপক হাৰত চলিছে ‘লাভ জেহাদ’ৰ চৰ্চা । ইয়াৰ মাজতে আজি বঙাইগাঁৱত উপস্থিত হৈ পুনৰ লাভ জেহাদক লৈ ব্যাখ্যা আগবঢ়ালে মুখ্যমন্ত্ৰীয়ে৷উল্লেখযোগ্য যে লাভ জেহাদক লৈ মুখ্যমন্ত্ৰীয়ে মন্তব্য দিলে যে — “মহাভাৰতৰ দিনত লাভ জেহাদ হোৱা নাছিল, প্ৰেম হৈছিল৷ আজি-কালি জেহাদ হয় বাবে মাৰ্ডাৰ হয়৷ সেয়েহে আমি লাভ জেহাদ বন্ধ কৰিব লাগিব৷ কাৰণ লাভৰ লগত জেহাদ নিমিলে৷” লগতে মুখ্যমন্ত্ৰী গৰাকীয়ে উল্লেখ কৰে যে “মুছলমান ছোৱালীবোৰক মুছলমান ল’ৰাবোৰে বিয়া পাতক আৰু হিন্দু ল’ৰাই হিন্দু ছোৱালী বিয়া পাতক৷ দুই সম্প্ৰদায়ৰ বিবাহ হ’লেও সংবিধানত বিধান আছে৷ ধৰ্ম পৰিৱৰ্তন নকৰাকৈও বিবাহৰ আইন আছে৷ বিয়াৰ পিছত পত্নীয়ে স্বামীৰ ধৰ্ম ল’ব লাগিব বুলি কোনো কথা নাই৷ বিয়াত ধৰ্ম পৰিৱৰ্তন নহ’লে জেহাদৰ কথাই নাহে৷ কিন্তু বিয়াৰ নামত ড্ৰাগছ দিয়ে, কিবা দিলে সেইটো উচিত নহয়।
